slide

  • Eman euskarari arnasa, bizi euskaldun

    Euskara gu guztion altxorra da, ez putzu sakon eta ilun batean gordetzeko altxorra. Euskaldunok ezpainetan dugun lanabes baliotsua da, elkarrekin partekatzekoa. Muxuak bezalaxe, ezpainetik ezpainetara salto egiten duen animalia da, elikatu eta zaindu beharreko laguna. (gehiago…)

  • Ez  ikaratu

    Ez ikaratu

    Azaroaren 25a “Emakumearen Kontrako Indarkeriaren Aurkako Nazioarteko Eguna“ bada ere, egunkarietako azaletako irudia bihurtzen bada ere, Nazio Batuen Erakundearen mikrofonoetan, erakundeetako adierazpenetan, eta bularretan lazo lilak eramaten badira ere, azaroaren 26an ahantziko den postureo hutsa izango da; propaganda amaitu orduko, …

  • Azaroaren 5eko herri galdeketetan, bai independentziari

    Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, azaroaren 5ean egingo diren, eta etorkizunean burutuko diren herri galdeketa ezberdinetan parte hartzen egongo …

Artikuluak

Europa, lotsaren harresien zaindari

Eka 20, 2017 || Adierazpena, Albiste aukeratuak, Errefuxiatuak

Nazio Batuen Erakundeak ekainaren 20a Errefuxiatuen Nazioarteko Eguna izendatu zuen 2000. urtean, 1951eko Errefuxiatuen Estatutuaren Hitzarmenaren urteurrenaren harira. Geroztik, etengabeko gatazkek geure mundua eraldatzen joan dira eta denboraren jarioak bizi garenon egoera hobetu baino, atzerapauso erraldoiak eman ditugula salatu behar dugu. Bidean geratu direnen eta bidean jarraitzen duten errefuxiatu orori, guztien omenez, egun hau inoiz baino gehiago ozen aldarrikatu behar dugu. Milaka gaitz jasan behar dituzten errefuxiatu ekonomiko, politiko, anbiental, sanitario eta gerra errefuxiatuei, gure babes osoa eskaini behar diegu bai Euskal Herrian, eta baita Europan ere. Azken urte hauetan, eta ACNURen datuen arabera, 65 milioi pertsona baino gehiagok euren etxeetatik ihes egitera behartuak izan dira gudak, biolentzia, goseteak eta jazarpenak direla eta, beste arrazoi aunitzen artean. Euren etxeetatik alde egin behar izan dute familia askok, zeukaten guztia bertan utzirik, mundu latz honetan bizirik jarraitu ahal izateko. Egora latz hau bereziki emakumeek eta haurrek jasaten dute, matxismoa, biolentzia, esplotazio eta esklabotza sufritzen dutelarik. Konflikto berriak sortzen diren bitartean, amaigabeko gatazkek gogortzen eta areagotzen dira egunero, errefuxiatuen egoera larriagotzen den bitartean. Eta Europako instituzioetatik itsu, mutu eta gor daude. Egunero euren herrietatik ihes egitera behartuak izan diren milaka pertsonek Mediterraneoa zeharkatzera edota Europako harresien gainetik salto egitera bakarrik geratzen zaie, mafien eskuetan euren biziak utziz edota bizia zuzenean Turkiaren sarreran galduz. Eta hori ez bakarrik, behar duten laguntza eskaini ez ezik, euren herrietara deserritzen ditugu, bertako gatazkek irentsiko dituzten edo kezkatu gabe. Lotsaren harresien zaindari gara itsasoa hilerri bilakatzen dugun bitartean. Europa solidarioa Kimera bat da eta gu Zerberoa gara. Txanpon poltsa baten truke zubiak eraikitzen ditugu, elkartasuna gure bizi-erritmoa asetzeko lehengaia ez baita. Mundu justu bat lortu arte, internazionalismoa dela medio; Elkartasuna, lankidetza eta...

irakurtzen jarraitu

Ezker Eraldatzailea, Eusko Alkartasunaren birfundazioan sakontzen

maiatza 26, 2017 || Iritzia

Ez gara urrun joango 8 urteetako ibilbidea aldarrikatzeko garaian. Ez ditugu kristalak beltzez margotuko gustatu ez zaizkigun gauzak oroitarazteko, ez eta jendarteari ezkutatzeko. 2009. urtean Gazte Abertzaleakek egindako Nazio Biltzarrean argi utzi zuen inoiz baino beharrezkoagoa zela indar ezkertiar independentistak batzea Euskal Herriak behar zuen askapen soziala eta nazionala aurrera ateratzeko. Ildo horri eutsiz gazte erakundeak konpromisoa hartu zuen modu batean zein bestean (lege-kanporaketak eta sarekadak gogoan) gazte erakunde ezberdinekin hartu emana eta elkarlana sustatuko zutela helburu hori josten hasteko bide. Hilabete gutxietara, 2009. urte horretan, Gazteherria sarea josten hasi ginen adostasunetan indarguneak bilatuz, euskal gazteriari bere eskubide zibil eta politikoak onartzeko aldarrikatuz. Ordutik gerora, Lortu Arten egon ginen harro Eusko Alkartasunak hartutako bideaz. Konpromiso handiko egunak ziren: sinaduretatik harago, lan asko zegoen egiteke. Hodeiertz zabala esperoan genuen eta jendartearen ilusioa kaleetan gorpuzten zen. Euskal Herriaren egoera politiko eta sozialaren eraldaketa historikoa abian zegoen. Hilabeteak eta urteak pasa dira. Baina Gazte Abertzaleakek helburu berdinekin jarraitzen du: Euskal Herriaren eraldaketa soziala emateko beharrezkoa baitira esparru ezberdinetatik egiten ditugun saiakerak, lortzen ditugun sinergiak, modu dialektikoan sortzen ditugun ezagutzak eta ilusioarekin pizten ditugun esperantzak. Euskal Herriko gatazkak modu integralean lantzeko momentua dela adierazi dugu foro ezberdinetan, jakinda gatazken konpontzeko prozesuak herri hau eta berauen aktoreak eraldatzeko inpultsoa izan daitezkela. 2009tik hausnarketa horretan murgilduta Gazte Abertzaleakek Eusko Alkartasunan zirikatu nahi izan du alderdi barnean eredu aldaketa. Ez baita zilegi Euskal Herria baten aldaketaren alde lan egitea etxe barruko lanak egin gabe utzita. Sabin Intxaurraga lagunak ere argi utzi zigun gazte erakundeko jendeari horrela izan behar zuela. Gure jarduteko moduak ere ezbaian jarri behar dira gure ingurua sakonki eta positiboki eraldatu nahi badugu. Hortaz, Gazte Abertzaleakeko azkeneko 8 urteetan zuzendaritza eraman dugun idazkariek Eusko Alkartasunaren ibilbidea azkeneko urte hauetan txalotzen dugu eta datozen urteetan bide zidorretatik ausart eta konplexu gabe aurrera egitea eskatzen diogu. XXI. mendeko Euskal Herria ezker eraldatzailea barneratzen duen mugimendua inoiz baino beharrezkoagoa da, ulertzen baitugu euskal sozialdemokraziaren birfundazioa horretan datzala: Rosa Luxembourg, Clara Zeitkin eta bestelako sozialdemokratek bere garaietan sozialdemokraziaren birsortzea aldarrikatu zuten bezala. Gainera, gazte erakundeak EH Bilduren inguruan eta gazteriaren paperaz sakonki mintzo da bere batzarretan eta Nazio Batzarraren onespenaz koalizioaren prozesu eratzailea bultzatzea adostu du. Ariketa demokratiko eta parte-hartzaileen bitartez egingo du Euskal Herriak aurrera eta Gazte Abertzaleakek bere etorkizuneko apustua egin du, Euskal Herriaren askapen nazionala eta sozialerako apustua hain zuzen ere. Marketing utsal eta interesatuek sortu nahi dituzten anabasetatik harago, datorren zuzendaritzari lerro hauen bitartez 2009tik Eusko Alkartasuna barrenean paradigma berriaren eraikitzearekin jarraitzearen beharra eta ausardia eskatzen diogu. Inoiz baino beharrezkoa baita Eusko Alkartasunaren 30 urteetako lanaren erreferentzia Euskal Herrian. Inoiz baino beharrezkoagoa baita Euskal Ezker Eraldatzailearen lana esparru sozial guztietan. Maider Carrere, Haritz Perez, Ibon Garcia eta Asier Gomezen iritzi artikulua Eusko Alkartasunaren eta ezker eraldatzailearen inguruan – 2009tik Gazte Abertzaleaken idazkari nagusiak, hurrenez...

irakurtzen jarraitu

Gazte Abertzaleakek Errekaleor auzo autokudeatuaren desalojoa gaitzesten du

maiatza 18, 2017 || Autokudeaketa, Gasteiz, Prentsa Oharrak

Gazte Abertzaleakek gogor salatzen du gaur, maiatzak 18, Gasteizko Errekaleor auzo askearen desalojoa eta Ertzaintzaren jarrera bertako gazteekiko. Errekaleorren kontrako jazarpenaren aurrean, gazte erakundeak “EAJren eta bere mesedetara dagoen poliziaren jarrera gaitzesten du” eta euskal gazteria bertako bizilagunei “elkartasuna eta babesa eskeintzera” eskatzen du. “Autokudeaketaren alde gauden gazteak gero eta gehiago gara, aldiz erakunde publikoetatik lagundu beharrean, trabak eta oztopoak jartzen dituzte, aldiro-aldiro, Errekaleor proiektu askeak eta zabalak eramaten dituzten guneak itxiz”, adierazi dute Gazte Abertzaleaketik. Gazte erakundearen hitzetan, “gazteen partaidetza eta antolakuntza dinamikoak posible bihurtzen dituzten gune hauen defentsa irmoa egiten dugu Gazte Abertzaleaketik: ekimen desberdinak eramaten dituzten guneak, talde anitzak elkartzeko aukera ematen dituztenak, gure herrietako sorkuntza dinamika libreak sustatzen dituztenak, irekiak eta bizirik jarraitu behar dute, eta batez ere, erakunde publikoek honen islada egin behar dute beraien egunerokotasunean”. Hori dela eta, Gazte Abertzaleakek Urtaranen gobernuak desalojoa geldi dezan eta Errekaleorreko bizilagunekin bildu dadin exijitzen dio, Iberdrola bezalako empresa pribatuen interesen gainetik herri mugimenduekin egon...

irakurtzen jarraitu

Aurre egin diezaiogun LGTBIfobiari

maiatza 17, 2017 || Adierazpena, Albiste aukeratuak, Sexu Askapena

LGTBIfobiaren aurkako eguna da gaur, baina ez daukagu zer ospatzerik; homofobia, transfobia eta hainbat fobia gure gorputz eta arimetan jasaten baititugu gaur egun ere. Mundu osoan zabalduak dauden jarrera zital hauei aurre egin behar diegu gogorki, baina bai Europan eta baita gure herrian ere ez gara ekintza doilor hauetaz libratzen. Moskutik Lisboara eta Atenasetik Dublinera lasai asko dabiltzan gaitzak dira hauek. Euskal Herrian ere errealitate hau pairatzen dugu, gure herrian oraindik ez dugu LGTBIfobiarekin bukatu. Erasoak gutxitan ematen badira ere, gure kaleetan gorroto jarrerak ematen dira eta, mikromatxismoarekin gertatzen den modura, gure gizartean errotuta jarraitzen dute jarrera hauek. Gizarte hau itsu, mutu eta gor jarraitzen du askotan egunero ematen diren erasoekiko. Europan faxismoaren eta ultraeskuinaren gorakadak sexu askapenaren aurkako jarrerak areagotzea errazten du. Urteetan zehar gure gizartearen baitan jasan ditugun jarrera hauek azken boladan ekintza bortitz bilakatu dira, eta oldarkor agertzen zaizkigu. Eraso fisikoak geroz eta gehiago ematen dira sentitzeko eta bizitzeko modu ezberdina duten pertsonengan. Behar beharrezkoa zaigu eraso hauen aurka mantendu dugun irmotasunari eustea, eta edonolako jarrera faxistei aurre egitea. Administrazio publikoetatik erakusten zaigun egoera positiboa baino gordinagoa da datuek irudikatzen diguten errealitatea. LGTBIfobiek lasai asko jarraitzen dute gure herrietako kaleetan, gure etxeetan eta bereziki, gure ikastetxeetan. Botere publikoek beste alde batera begiratzen jarraitzen dute, egoera higuingarri hauei aurre egin baino. Justiziaren eta poliziaren lankidetzak ere, kasu hauek artatzerakoan, gauerdiko ahuntzaren eztulak bezain bat laguntzen du jokabide hauek errotik baztertzeko orduan. Ezinezkoa da oraindik ere eraso hauek “gorrotoak eragindako” kasu gisa artatzea; betiko legez, falta soilak dira. Eta zer esan eskoletako egoeraz? Euskal Herrian fobia hauetan oinarritutako eskola-jazarpena da euskal gazteriak bere buruaz beste egiteko kausa nagusia. Hezkuntza alorreko arduradun eta agintariei berehalako neurriak eskatzen dizkiegu, batez ere heteropatriarkatuaren eredutik at dauden sentitzeko eta bizitzeko erak euskal curriculumean txertatu ditzaten. Eraso gehiagorik ez, LGTBIfobiari...

irakurtzen jarraitu

Maiatzaren 7ko herri galdeketetan, bai independentziari

maiatza 5, 2017 || Adierazpena

Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, maiatzaren 7an egingo diren, eta etorkizunean burutuko diren herri galdeketa ezberdinetan parte hartzen egongo gara mezu sinple baina itxaropentsua babestuz: bai demokraziari, bai justizia sozialari, bai euskarari, bai askatasunari eta bai etorkizunari. Gazte Abertzaleakeko kideok argi dugu Estatu espainoleko nahiz frantseseko egoera politiko, sozial, kultural eta ekonomikoak basamortu idor bilakatzen dutela geure herria, eta bertatik itsaso zabalera bueltatzeko independentzia behar-beharrezko garraioa zaigula. Mendean gaituzten estatuek inposatzen dizkiguten mugak hausteari ez diogu beldurrik, geure geroa erabakitzeko urratsa emateko ordua heldu zaigu guri ere. Bidai hori eta bide hori gure artean erabaki behar dugu, hemen erabaki behar dugu zein bake, zein lege, zein askatasun nahi dugun, hau da, burujabetza plenoa. Hori dela eta, independentziarako 5 arrazoi sinple zabaldu nahi ditugu gazteriarengan eta jendartearengan: 1. Euskal Herria munduan errekonozitua izateko, geure buruaren jabe izateko eta benetako demokrazia parte hartzaile baten kide izan nahi dugulako. 2. Justizia sozialaren bidetik, geure etorkizun ekonomiko eta soziala eraikitzeko burujabetza osoa behar dugu, etorkizuneko Euskal Herri oparoa eraiki nahi dugulako. 3. Geure hezkuntza sistema propio eta euskaldun baten bitartez, euskaraz bizitzeko aukera eskaini nahi dugulako: euskal kulturak munduan bere tokia izatea nahi dugu. 4. Injustiziak gaindituz eta bakoitzaren jatorri, genero, sentimendu edota erlijioaren gainetik, guztiontzako eta guztion arteko Euskal Herri dibertsoa eraiki nahi dugulako. 5. Gazteriari eta ondorengo belaunaldiei Euskal Herri alai, anitz eta aske batean bizitzeko aukera eman nahi diegulako. Hau finkatuz, gaztekideok Euskal Herriko hainbat herrietan egingo diren galdeketak bultzatuko eta babestuko ditugu. Gazte Abertzaleakeko kideok herri galdeketen aldeko ekimenetan parte hartuko dugu eta dei egiten diogu euskal gazteriari bertan ere parte hartu dezan. Maiatzaren 7an, eta etorriko diren herri galdeketa ezberdinetan ere, bai...

irakurtzen jarraitu

Gazte Abertzaleakek omenaldia egingo dio larunbatean Nestor Basterretxeari, Eusko Alkartasuna eta Fundazioarekin batera

maiatza 4, 2017 || Albiste aukeratuak, Alkartasuna Fundazioa, Eusko Alkartasuna, Prentsa Oharrak

Gazte Abertzaleakek larunbat goiz honetan, maiatzak 6, Hondarribian Nestor Basterretxea alderdikideari omenaldia antolatu dio, Eusko Alkartasuna eta Alkartasuna Fundazioarekin batera. “Euskal Herritik mundura; mugak eta elkartasuna” izenpean egingo da mahai-ingurua eta omenaldia Kultur etxean eta Arma plazan burutuko dira, hurrenez hurren. Omenaldia hasi aurretik mahai-ingurua antolatu dute Hondarribiko Kultur etxean 10:30etan eta bertan munduan euskaldunon kokapenaz hitz egingo da, “mugak gainditzeko eta elkartasuna lantzeko mahai-ingurua”, hain zuzen ere. Bertan, Adrian Fuentes (gazte erakundeko nazioarteko idazkaria eta EFAy-ko lehendakari ordea), Lohitzune Txarola (nazioarteko-zuzenbidean aditua eta Gipuzkoako Batzar Nagusietako lehendakari ohia) eta Lorena Lopez de Lacalle (Eusko Alkartasunako harreman internazionaletarako idazkaria eta EFA-ko lehendakariordea) izango dira ponenteak. Mahai-inguruaren ostean omenaldiari hasiera emango diote 12:30etan Arma plazan, eta euria egingo balu Kultur Etxean bertan. Asier Gomezek, Gazte Abertzaleakeko idazkari nagusia; Idurre Bidegurenek, EH Bilduko alkate Bermeon; eta Pello Urizarrek, alderdiko idazkari nagusia eta EH Bilduko biltzarkidea; hitz batzuk eskainiko diote Nestor Basterretxeari, bera zenari eta euskal kultura eta nortasunagatik egin zuen guztia eskertzeko, bere familiarekin batera. Bidasoko Hitzan...

irakurtzen jarraitu

Maiatzaren Lehena, gazteok borrokan

Api 30, 2017 || Adierazpena, Albiste aukeratuak, Prentsa Oharrak

2017ko Maiatzaren Lehen honetan Gazte Abertzaleakek Euskal Herri aske eta solidarioaren aldeko bere konpromisoa berresten du eta euskal gehiengo sindikalak egindako deialdiekin bat egiten duela azaldu du, euskal gazteria bertan parte hartzera bultzatuz. Herritarrei Maiatzaren Lehena “borroka egun gisa” jaio zela gogoratu du, aurten ere horrela ulertu behar dela azpimarratuz. “Langileria, gazteria; langabetuak, baztertuak… gehiengoa gara, antola gaitezen eta borroka ditzagun gure eskubideak”, adierazi du gazte erakundeak. Maiatzaren lehena, gazteok borrokan Maiatzaren lehena langileon eskubideen aldeko borroka eguna izan arren, utopiaren eguna izango da aurten berriz ere, tamalez. Baina nola aldarrikatu al ditzakegu langileon eskubideak, hauek geroz eta mehar eta inexistenteak baldin badira? Meharrak, eskubide horiek merkatuaren izenean zanpatzen dituztelako, neoliberalismo basatiak merketzen dituelako, eta Merkelek, Rajoyk eta Hollandek merketzen dituztelako. Inexistenteak, lan egiteko prest dagoen gazteriak ezin duelako lanik egin. Gazteok inoiz baino prestatuago egon arren, inoiz baino aukera gutxiago ematen dizkigutelako gu geu garatzeko edota gizarteari ekarpenak egiteko: bi gaztetik batek gutxienez ez du lanik egiteko aukerarik. Zer nolako askatasuna izango du bakar horrek? Eta lanean dagoen “zorioneko” horrek zer nolako baldintzak jasan behar ditu? Lan baldintza prekarioak, besterik ez. Merkealdi honek ez du pagotxatik ezer. Izan ere gazteriaren etorkizunean ezin da beherapenik egin. Gazteriak inbertsio handia eskatzen dio gizarteari bai, baina badirudi batzuk ez direla ohartu nahi etorkizunean inbertitzea ez dela gastua, aberastasuna ekarriko duen aukera segurua baizik. Gizarte sektore honen erdia kalean gaude, kale gorrian. Lan egiteko gogoa, indarra eta trebezia alperrik galtzen. Ezin independizatu gabiltza, alokairua ordaintzeko dirurik ez dugulako. Ezin ikasten jarraitu gradu-ondoko edo masterrak dituzten zeroek azterketetan atera ditzaketenak baino 1.000 aldiz gehiago balio baitute. Zifren dantza ankerra! Izen asko jartzen zaizkio belaunaldi honi, baina denak dira egoera beraren iturritik atereak: Langabeziaren, prekarietatearen, eskubide gabeziaren egarriak itotzen gaituen iturria hain zuzen. Instituzioen ardura pertsona eta gizartearen garapen eta ongizatea da, baina gazteok burujabe izan behar gara gure eskubideak bermatzeko. Horretarako, ezinbestekoa dugu elkarrekin borrokatzea, oraingo sistemak ezartzen gaituen miserietatik atera ahal izateko eta sistema justuago bat eraikitzeko. Gazteria kalera irtetea, egoera zentzugabe hau salatzeko, guztion ardura da. Beraz, etxean nahi gaituztenoi, otzan, isil, eta esperoan, kaleak hartuko ditugula jakinarazten diegu, ausart, ozen, eta gure etorkizunaren jabe eginez! #Maiatzak1 #MaiatzarenLehena...

irakurtzen jarraitu

Gazteon osasunagatik, prekarietatearekin amaitu!

Api 28, 2017 || Adierazpena, Euskadiko Gazte Kontseilua

Lan Osasunaren Nazioarteko Eguna baliatuz, apirilak 28, gazteok pairatzen dugun prekarietatea eta honek gure ongizatean dituen ondorio latzak salatu nahi izan ditugu Euskadiko Gazteriaren Kontseiluko (EGK) Emantzipa…Zer? enplegu eta gazteria lantaldean batutako hainbat gazte elkarte, kolektibo eta sindikatuok. Lan istripuetatik zein gaixotasunetatik haratago doan egoera bat da eta azkenengo urteetan eman diren murrizketa soziolaboralak direla-eta areagotu besterik ez da egin. Gazteon osasunagatik, prekarietatearekin amaitu! Lanpostuetan edo enpleguaren erruagatik sortutako osasun galera hauek islatzeko hainbat datu ezagutarazi nahi izan dira, besteak beste, 16 eta 34 urte bitarteko gazteek 2015ean zehar izandako lan istripuak Euskadin: 7.356 arin, 35 larri eta heriotza sortu duten bi. 2016ko datuak eskuragarri ez daudenez ezin dugu aurreko urteko istripu-tasa kuantifikatu. Hala ere, 2016 eta 2017 urtean zehar lan istripu batean hil diren eta 30 urte baino gutxiago zituzten bi gazteengan jarri nahi dugu fokua. Bestetik, ezin ditugu ahaztu ezta oharkabean utzi gaixotasun profesional bat jasaten duten gazteak, haien bizitza pixkana-pixkanaka txikituta ikusten dutelako. 2015ean 92 gazteei onartu zitzaien gaixotasun profesionalen bat eta 24k berriz gaixotze bat izan zuten. Datu hau oso larria dela uste dugu, izan ere, haien ibilbide profesionala hasi besterik ez da egin eta, gainera, aurreko urtea baino altuagoa da. Irakur ezazu manifestua bere osotasunean hemen Azkenik, manifestura atxikitu dira: EGK, Nafarroako Gazteriaren Kontseilua, Pastoral Obrera de Bilbao, Gazte Abertzaleak, Ausartzen, Sare Antifaxista, Juventudes Socialistas de Euskadi (JSE-EGAZ), Acción Católica General (EKO-ACG), Berri Otxoak, Federación Vasca de Junior Empresa, Ezker Anitza, Aldarte, Kale Dor Kayiko eta CCOO, ESK, LAB, LSB-USO eta UGT sindikatuak. EGKren...

irakurtzen jarraitu

Euskara eta euskal kultura sustatzeagatiko sariak

Api 19, 2017 || Adierazpena, Albiste aukeratuak, Alkartasuna Fundazioa

Alkartasuna Fundazioak saria emango die Txomin Peillen, Martine Bisauta, ‘Txetx’ Etcheverry eta Xebax Christy jaun-andreei euskal kulturari eta euskarari egindako ekarpena eskertzeko. ‘Zazpirak bat’ dominarekin sarituak. Domina Nestor Basterretxea eskultorearen lana da. Alkartasuna Fundazioak euskara eta euskal kultura babesteko erakutsi duten inplikazioa ohoratzea erabaki du, baita Euskal Herriaren garapen sozial, ekonomiko eta politikoaren alde egin duten ekarpena ere, betiere justizia sozialaren eta bakearen printzipioei jarraikiz. Ekitaldia 2017ko apirilaren 22an egingo da, 11etan Le Bayonne Hoteleko Salle Baiona aretoan....

irakurtzen jarraitu

Gazte Abertzaleaken Nazio Batzarrak EH Bilduren izaera estrategikoa eta bere berrantolaketa prozesua babestu du

Api 18, 2017 || Euskal Herria Bildu, Gazteria, Prentsa Oharrak

Gazte Abertzaleaken Nazio Batzarrak, Gernikan bilduta, EH Bildu eta gazteen arteko erlazioaren inguruan Nazio Batzordeak proposatutako testua eztabaidatu du EH Bilduren izaera estrategikoa berrestuz. Gazte erakundearen aburuz, koalizio soilaren figura “gehiagorako ematen ez duen formula estua, mugatua eta zaharkitua da”. Asier Gomez idazkari nagusiak adierazi duenez, “ezkerreko independentismoak dituen erronka politiko eta elektoralei aurre egiteko koalizio elektoral soilaren formula ez da tresna egokia eta ez dio gizartearen eskariei erantzuten”. Nazio Batzordeak proposatutako testuak 18 emendakin jaso ditu, horietatik 16 onartu direlarik. Proposamenak gerturatutako militanteen % 87aren babesa lortu du, kontrako bozkarik gabe. Onartutako proposamenak erakunde politikoetara lotuta dauden eta ez dauden gazteentzat EH Bildun “gazte espazio autonomo baten sorrera ziurtatzea” eskatzen du. Halaber, espazioak kobozeramaile parekideak izatea proposatzen da. Azkenik, gazte erakundeak dei zuzena luzatu dio bere alderdiari, Eusko Alkartasunari, EH Bilduren berrantolaketa prozesuan parte hartze eta inplikazio maximoa eskatuz. GA – EH Bildu eta gazteria – onartutako proposamena GAZTE ABERTZALEAKEN NAZIO BATZARRAK EH BILDUREN BERRANTOAKETAZ ETA BERE GAZTERIAZ Gazte Abertzaleaken Nazio Batzordeak, urtarrilaren 14an ospatua, EH Bilduren berrantolaketa prozesuaren inguruko barne eztabaidari hasiera ematea onartu zion, koalizioak etorkizuneko erronkei aurre egiteko behar zituen aldaketez eta bereziki gazteei eskaintza erakargarria luzatzeko intentzioarekin. Eztabaida hau batzar lokal, eskualde eta lurralde ezberdinetan burutu da. Batzar hauetan eman diren ekarpenei esker Nazio Batzordeak proposamen bat landu du Nazio Batzarraren onarpenerako. Gazte Abertzaleakeko Nazio Batzarrak honako adostasunera iritsi da apirilaren 15ean, Gernikan: 1. EH Bildun koalizio elektoral soilaren figura agortutzat ematea, gehiagorako ematen ez duen formula mugatu eta estutzat ulertzen dugulako. Ezkerreko independentismoak erronka politiko eta elektoralei aurre egiteko koalizioa elektoral soilaren formula zaharkituta geratu da, ez da tresna egokia eta ez dio gizartearen eskariei erantzuten. 2. EH Bilduren izaera estrategikoa babestea eta EH Bildu berriaren estatutuak eta organigramaren inguruan irekitako eztabaida babestea. 3. Gazteen parte hartzerako, ahalduntzerako eta elkarlanerako EH Bilduren barnean gazte espazio autonomo baten sorrera ziurtatzea, erakunde politikoetara lotuta daudenentzat eta ez daudenentzat ere. Gazte Abertzaleakek espazio honen antolamendu maila ezberdinetan (hegoaldean eta herrialdeetan) kobozeramaile parekideez osatuta egotea proposatzen du, eta inolako gazte erakundeek ez duela hauek osotasunean hartuko. 4. EH Bilduren berrantolaketa prozesuan parte hartze eta inplikazio maximoa eskatzea Eusko Alkartasunari, bai zuzendaritzari eta baita militantziari...

irakurtzen jarraitu