slide

  • Europa, lotsaren harresien zaindari

    Europa, lotsaren harresien zaindari

    Nazio Batuen Erakundeak ekainaren 20a Errefuxiatuen Nazioarteko Eguna izendatu zuen 2000. urtean, 1951eko Errefuxiatuen Estatutuaren Hitzarmenaren urteurrenaren harira. Geroztik, etengabeko gatazkek geure mundua eraldatzen joan dira eta denboraren jarioak bizi garenon egoera hobetu baino, atzerapauso erraldoiak eman ditugula salatu behar …

  • Hagámosle frente a la LGTBIfobia

    LGTBIfobiaren aurkako eguna da gaur, baina ez daukagu zer ospatzerik; homofobia, transfobia eta hainbat fobia gure gorputz eta arimetan jasaten baititugu gaur egun ere. (más…)

  • Gazte Abertzaleak homenajeará a Nestor Basterretxea el sábado, junto con Eusko Alkartasuna y la Fundación

    Gazte Abertzaleak homenajeará a Nestor Basterretxea el sábado, junto con Eusko Alkartasuna y la Fundación

    Gazte Abertzaleak ha organizado un homenaje a Nestor Basterretxea este mismo sábado, 6 de mayo, en Hondarribia, con la colaboración de Eusko Alkartasuna y Alkartasuna Fundazioa. Bajo el título “Euskal Herritik mundura; mugak eta elkartasuna” (Desde Euskal Herria al mundo; …

Hagámosle frente a la LGTBIfobia

17 May, 2017 Declaración, Noticias seleccionadas, Sexu Askapena

LGTBIfobiaren aurkako eguna da gaur, baina ez daukagu zer ospatzerik; homofobia, transfobia eta hainbat fobia gure gorputz eta arimetan jasaten baititugu gaur egun ere.

Mundu osoan zabalduak dauden jarrera zital hauei aurre egin behar diegu gogorki, baina bai Europan eta baita gure herrian ere ez gara ekintza doilor hauetaz libratzen. Moskutik Lisboara eta Atenasetik Dublinera lasai asko dabiltzan gaitzak dira hauek.

Euskal Herrian ere errealitate hau pairatzen dugu, gure herrian oraindik ez dugu LGTBIfobiarekin bukatu. Erasoak gutxitan ematen badira ere, gure kaleetan gorroto jarrerak ematen dira eta, mikromatxismoarekin gertatzen den modura, gure gizartean errotuta jarraitzen dute jarrera hauek. Gizarte hau itsu, mutu eta gor jarraitzen du askotan egunero ematen diren erasoekiko.

Europan faxismoaren eta ultraeskuinaren gorakadak sexu askapenaren aurkako jarrerak areagotzea errazten du. Urteetan zehar gure gizartearen baitan jasan ditugun jarrera hauek azken boladan ekintza bortitz bilakatu dira, eta oldarkor agertzen zaizkigu. Eraso fisikoak geroz eta gehiago ematen dira sentitzeko eta bizitzeko modu ezberdina duten pertsonengan. Behar beharrezkoa zaigu eraso hauen aurka mantendu dugun irmotasunari eustea, eta edonolako jarrera faxistei aurre egitea.

Administrazio publikoetatik erakusten zaigun egoera positiboa baino gordinagoa da datuek irudikatzen diguten errealitatea. LGTBIfobiek lasai asko jarraitzen dute gure herrietako kaleetan, gure etxeetan eta bereziki, gure ikastetxeetan. Botere publikoek beste alde batera begiratzen jarraitzen dute, egoera higuingarri hauei aurre egin baino.

Justiziaren eta poliziaren lankidetzak ere, kasu hauek artatzerakoan, gauerdiko ahuntzaren eztulak bezain bat laguntzen du jokabide hauek errotik baztertzeko orduan. Ezinezkoa da oraindik ere eraso hauek “gorrotoak eragindako” kasu gisa artatzea; betiko legez, falta soilak dira.

Eta zer esan eskoletako egoeraz? Euskal Herrian fobia hauetan oinarritutako eskola-jazarpena da euskal gazteriak bere buruaz beste egiteko kausa nagusia. Hezkuntza alorreko arduradun eta agintariei berehalako neurriak eskatzen dizkiegu, batez ere heteropatriarkatuaren eredutik at dauden sentitzeko eta bizitzeko erak euskal curriculumean txertatu ditzaten.

Eraso gehiagorik ez, LGTBIfobiari EZ!