slide

  • Eman euskarari arnasa, bizi euskaldun

    Euskara gu guztion altxorra da, ez putzu sakon eta ilun batean gordetzeko altxorra. Euskaldunok ezpainetan dugun lanabes baliotsua da, elkarrekin partekatzekoa. Muxuak bezalaxe, ezpainetik ezpainetara salto egiten duen animalia da, elikatu eta zaindu beharreko laguna. (más…)

  • Ez ikaratu

    Ez ikaratu

    Azaroaren 25a “Emakumearen Kontrako Indarkeriaren Aurkako Nazioarteko Eguna“ bada ere, egunkarietako azaletako irudia bihurtzen bada ere, Nazio Batuen Erakundearen mikrofonoetan, erakundeetako adierazpenetan, eta bularretan lazo lilak eramaten badira ere, azaroaren 26an ahantziko den postureo hutsa izango da; propaganda amaitu orduko, …

  • Azaroaren 5eko herri galdeketetan, bai independentziari

    Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, azaroaren 5ean egingo diren, eta etorkizunean burutuko diren herri galdeketa ezberdinetan parte hartzen egongo …

Declaración

Eman euskarari arnasa, bizi euskaldun

3 Dic, 2017 Declaración, Euskara @es, Noticias seleccionadas

Euskara gu guztion altxorra da, ez putzu sakon eta ilun batean gordetzeko altxorra. Euskaldunok ezpainetan dugun lanabes baliotsua da, elkarrekin partekatzekoa. Muxuak bezalaxe, ezpainetik ezpainetara salto egiten duen animalia da, elikatu eta zaindu beharreko laguna. Euskaldunak gara, eta euskaraz bizi nahi dugulako, guztiok eman behar diogu arnasa egunero, euskaraz hitz egiten eta euskaraz bizitzen. Gure egunerokotasunean eta gure bizitzako txoko eta une guztietan konpartitzeko altxorra da. Euskaldunen artean zabaltzeko ahotsa eta baita ongi ez dakienarekin mihia astintzeko aitzakia ere. Euskara, bere erabilera eta sasoiaren egoera anitza eta desorekatua den arren, Euskal Herri osoko biztanleok konpartitzen dugun hizkuntza bakarra da, euskaldun egiten gaituen funtsezko ezaugarria. Gaur egun orain dela 20 urte baino elebidun gehiago dago Euskal Herrian. Igoera hau bereziki euskaldun gutxiko zonetan nabaritu bada ere, notizia ez da guztiz ona izan: eremu euskaldunetan euskararen erabilera gutxiagotu egin da. Gure hizkuntzaren ezagutza eta erabilera ez dira neurri berean hazi, eta hau politika normalizatzaile kaskarren errua da. Hala ere, euskarari arnasa ematea gure eskuetan dago. Aurtengo abenduaren 3an eta urteko gainontzeko 364 egunetan denok egin beharko genuke ahalegin berezia euskaraz: ikastetxean eta lanean, etxean eta kalean, tabernan eta sare sozialetan, lagunekin eta familiarekin. Erabilerak emango baitio euskarari bizia eta behar duen indarra. Euskararen alde egin daitekeen aldarririk argiena, ekintzarik biziena eta manifestaziorik ozenena al denik eta gehiena erabiltzea da. Euskara da euskaldun egiten gaituena! Aitorren hizkuntz zaharra nahi degu zabaldu munduaren aurrean gizonki azaldu. Baldin gure zainetan odolik badegu Euskaldunak euskeraz hitz egin behar degu. Zein hizkuntza ederra euskera guria inun ez det aurkitzen beste bat hobia usai goxondun hizkuntz txukun ta argia, biraorikan ez duan hizketa garbia Gora euskara maitea zoragarriena euskalduen artean maitagarriena. Munduan sortu zanik hikuntzik zaharrena, gora ta gora euskaldunak eta gure euskara. Eman #EuskarariArnasa, bizi zaitez...

Read More

Ez ikaratu

25 Nov, 2017 Declaración, Feminismoa @es, Igualdad, Noticias seleccionadas

Azaroaren 25a “Emakumearen Kontrako Indarkeriaren Aurkako Nazioarteko Eguna“ bada ere, egunkarietako azaletako irudia bihurtzen bada ere, Nazio Batuen Erakundearen mikrofonoetan, erakundeetako adierazpenetan, eta bularretan lazo lilak eramaten badira ere, azaroaren 26an ahantziko den postureo hutsa izango da; propaganda amaitu orduko, aho gutxi batzuetan iraungo duen garrasia izango da. Beste behin ere, emakumeok bortizkeria bera jasaten jarraituko dugu inongo “nazioarteko egunek” erremediorik jarri gabe. Emakumeok egunero eta edonon gu txikitzea bideratuta dagoen bortizkeria jasaten dugu. %35oi bortizkeria matxistak kolpatuko gaitu bizitzan zehar. Bortizkeria modu anitzek inguratzen gaituzte. Isilpean eta ikusezinak diren jarrera txikitzaileak dira asko; uneoro, munduko edozein bazterretan, emakumeak zapaltzen gaituzten gizarteetako estrukturetan barneratutako eraso sistematikoak jasan behar ditugu. Eta hauek ez dituzte gorputzean markarik uzten, ez; hauek arima zulatzen dizkigute, gure bizitzan sakonki eragiten digute. Gazte Abertzaleaketik argi dugu hezkuntza heteropatriarkal batean oinarritzen den sistemak arazo hau areagotu besterik ez duela egiten, eta parekidetasunean eta sexu askapenean oinarritutako hezkuntza sistema beharrezkoa dela aldarrikatzen dugu eredu matxista gainditzeko eta betiko ezabatzeko. Egun gai zabal honen inguruan lantzen diren politikak eskasak iruditzen zaizkigu; erakunde publikoek modu testimonial batean lantzen dute gaia, bitarteko gutxi eta diru gutxiago inbertituz. Bitartean, tortura matxistari, mespretxu matxistari, bortizkeria matxistari aurre egiteko gizartean antolatutako mugimendu feministak egiten duen lana arazo honen ezagutzan eta kontzientziazioan berebiziko garrantzia du eta nola ez, bat egiten dugu borroka horretan. Emakumeok ez dugu beste izakiok merezi duten errespetua baino gehiago izan nahi. Errespetatuak izatea nahi dugu. Gure askatasuna eta gure duintasuna ez dira eztabaidan egon behar. Gure bizitza askatasunean bizitzeko eskubidea bermatuta izan nahi dugu. Eta hau bete ezean, borroka feministak aurrera jarraitu behar du. Edonon eta edonoiz ikusezin diren erasoak, jarrera txikitzaileak eta eraso fisiko guztiak salatu behar ditugu eta erantzuna izan behar dute. Hortaz, aurten Gazte Abertzaleakeko kideok argi dugu gure aldarria: Jarrera mutuak kolpeak bezain bortitzak dira!...

Read More

Azaroaren 5eko herri galdeketetan, bai independentziari

3 Nov, 2017 De todo, Declaración, Gure Esku Dago, Noticias seleccionadas

Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, azaroaren 5ean egingo diren, eta etorkizunean burutuko diren herri galdeketa ezberdinetan parte hartzen egongo gara mezu sinple baina itxaropentsua babestuz: bai demokraziari, bai justizia sozialari, bai euskarari, bai askatasunari eta bai etorkizunari. Gazte Abertzaleakeko kideok argi dugu Estatu espainoleko nahiz frantseseko egoera politiko, sozial, kultural eta ekonomikoak basamortu idor bilakatzen dutela geure herria, eta bertatik itsaso zabalera bueltatzeko independentzia behar-beharrezko garraioa zaigula. Mendean gaituzten estatuek inposatzen dizkiguten mugak hausteari ez diogu beldurrik, geure geroa erabakitzeko urratsa emateko ordua heldu zaigu guri ere. Bidai hori eta bide hori gure artean erabaki behar dugu, hemen erabaki behar dugu zein bake, zein lege, zein askatasun nahi dugun, hau da, burujabetza plenoa. Hori dela eta, independentziarako 5 arrazoi sinple zabaldu nahi ditugu gazteriarengan eta jendartearengan: 1. Euskal Herria munduan errekonozitua izateko, geure buruaren jabe izateko eta benetako demokrazia parte hartzaile baten kide izan nahi dugulako. 2. Justizia sozialaren bidetik, geure etorkizun ekonomiko eta soziala eraikitzeko burujabetza osoa behar dugu, etorkizuneko Euskal Herri oparoa eraiki nahi dugulako. 3. Geure hezkuntza sistema propio eta euskaldun baten bitartez, euskaraz bizitzeko aukera eskaini nahi dugulako: euskal kulturak munduan bere tokia izatea nahi dugu. 4. Injustiziak gaindituz eta bakoitzaren jatorri, genero, sentimendu edota erlijioaren gainetik, guztiontzako eta guztion arteko Euskal Herri dibertsoa eraiki nahi dugulako. 5. Gazteriari eta ondorengo belaunaldiei Euskal Herri alai, anitz eta aske batean bizitzeko aukera eman nahi diegulako. Hau finkatuz, gaztekideok Euskal Herriko hainbat herrietan egingo diren galdeketak bultzatuko eta babestuko ditugu. Gazte Abertzaleakeko kideok herri galdeketen aldeko ekimenetan parte hartuko dugu eta dei egiten diogu euskal gazteriari bertan ere parte hartu dezan. Azaroaren 5ean, eta etorriko diren herri galdeketa ezberdinetan ere, bai...

Read More

MANIFIESTO DE JÓVENES POR LA DEMOCRACIA, LOS DERECHOS CIVILES Y POLÍTICOS

28 Sep, 2017 Declaración, Derechos civiles y políticos, Gure Esku Dago

Al hilo de lo sucedido en Cataluña en los últimos días, Queremos denunciar las violaciones de los derechos civiles y políticos y libertades democráticas que, en manos del Gobierno de España, está sufriendo Cataluña. El Gobierno español ha hecho uso de las vías judiciales y penales ante un conflicto político, evitando el diálogo y los cauces políticos. Además de detener, amenazar y perseguir a electos y a cargos públicos, ha obstaculizado y ha prohibido actos e iniciativas de solidaridad con Cataluña. Queremos expresar nuestra solidaridad al pueblo de Cataluña que sufre la represión del Gobierno de España. El referéndum del 1 de Octubre sigue a una voluntad mayoritaria de la ciudadanía catalana, a la voluntad de votar y decidir. Por ello, queremos proteger y reconocer la legitimidad de los ciudadanía catalana para decidir su futuro. Dificultar y obstaculizar la expresión y el ejercicio de la voluntad del pueblo catalán pone en juego los derechos fundamentales y el futuro democrático de todas las personas del Estado. Tanto como la ciudadanía vasca, como la juventud, nuestro desafío actual es tomar y ejercer el Derecho a Decidir nuestro futuro. El Derecho a Decidir amplía las oportunidades de participación de la juventud en todos los ámbitos de la vida política. También queremos decidir qué organizaciones, normas, instituciones y políticas públicas necesitamos y construimos. El Derecho a Decidir profundiza el principio democrático otorgando voz a las diferentes comunidades políticas , dándonos voz a la ciudadanía vasca. Por todo ello, y debido a que el Derecho a Decidir es el hilo conductor entre nuestro presente y nuestro futuro democrático, y porque en el futuro de nuestras libertades democráticas y derechos civiles y políticos la juventud tenemos qué hacer un llamamiento a jóvenes de diversas sensibilidades políticas a salir a la calle el próximo sábado, 30 de septiembre, y participar en la manifestación que organizada por Gure Esku Dago en Bilbao. Firmado por: Euzko Gaztedi Indarra (EGI), Gazte Abertzaleak (GA), Euskal Gazte Moreak y Alternatiba...

Read More

Los colores de la liberación

28 Jun, 2017 De todo, Declaración, Noticias seleccionadas, Sexu Askapena

Sexu Askapenerako Nazioarteko Eguna den honetan, ekainak 28, gazteok geure sexuarekiko, norbanako sexualitatearen eta erlazio sexualetan askatasunez bizitzeko aldarria egiten dugu; nor garen, norekin egon nahi dugun edota zer egin nahi dugun geure erabakia delako. Sexualitatearen bizipena hertsiki lotuta dago identitate femenino eta maskulinoen osatzearekin. Sozializazio sexistaren eragin handia jasaten duen emakumeen eta gizonen bizitzaren eremu bat da sexualitatea. Haurtzarotik, gorputzaren, nahien, plazeraren, bikotearen, maitasunaren, sentimenduen, sexu-harremanen, afektuen adierazpenaren eta abarren oso kontzeptualizazio desberdina hartzen dugu gure gain. Hori dela eta, geure gain gizarteak ezartzen dizkigun “baloreak” geure izateko berezko erakin bat ez datozenean, geure sentimenduekiko edota izateko erarekiko ikara eta ukatzea datorkigu. Heteroarautik at bizitzea erabaki dugunok burua askatu dugu, geure gorputza libreago bizi dugu eta harremanak ezberdin ulertzean, errealitatea aniztasunean balioztatzea bultzatzen gaitu. Hala ere, oraindik sexu askapenerako borrokan partida asko ditugu jokatzeke, eta kolore guztiak nahi ditugu erabili iraultza honetarako. Helburu hau lortzeko, baina, hezkuntza beharrezko arma dugu. Geure eskola eta ikastoletan sexu askapena lortzearekiko urrun gaude, eta askatasun horren bermea haurtzarotik babesten ez badugu, nola nahi ditugu harreman sanoak landu? Gaiok ez dira Curriculumean jaso, eta motzera begira intentzio gutxi ikusten dugu horretan, gazte baten bizitza betirako markatu dezaken erabaki bat izanik ere. Emakumeen sozializazio sexista, sexu-autonomia mugatua, gizarte-penalizazioak, gorputzaren eta sexualitatearen ezjabetzea, emakumeen aniztasun erotikoaren ukazioa, sexu-nahien zapalkuntza eta sexu-praktiken “baginalizazioa” egiten dira oraindik, sexualitate matxistaren interesetara egokitzeko. Gizonen sexualitate-eredu soziala hertsiki lotuta dago sexu-organoekin, koitoarekin, heterosexualitatearekin, eta, beraz, ugalketa-helburuekin. Matxismoa eta horren adierazgarri nagusietako bat, hots, homofobia dira “heteronormatibititate maskulino” horren euskarriak. Homofobia oso lotuta dago identitate maskulino horrekin. Eredu baztertzaile hori nagusi da oraindik, eta, aniztasuna galarazteaz eta gizonen sexu-askatasuna zigortzeaz gain, emakumeen sexualitatearen boluptuositatearen, gorpuztasunaren eta desiren gainetik ezartzen da. Azken urteotan, heteronormatibitatearen aurkako desobedientzia-taldeen bultzadari eta ahaleginari esker batez ere, lege-aurrerapen handiak egin dira, baina bide luzea geratzen zaigu oraindik sexu-aniztasuna eta sexu-askatasuna balio positibotzat eta, beraz, nahi izateko modukotzat hartuko duen gizarte batean bizitzeko. Euskal Herrian, sexu-eskubideak bermatu gabe daude oraindik, eta urratu egiten dira maiz. Sexu askapenean, bizi eta goza...

Read More

Europa, lotsaren harresien zaindari

20 Jun, 2017 Declaración, Errefuxiatuak, Noticias seleccionadas

Nazio Batuen Erakundeak ekainaren 20a Errefuxiatuen Nazioarteko Eguna izendatu zuen 2000. urtean, 1951eko Errefuxiatuen Estatutuaren Hitzarmenaren urteurrenaren harira. Geroztik, etengabeko gatazkek geure mundua eraldatzen joan dira eta denboraren jarioak bizi garenon egoera hobetu baino, atzerapauso erraldoiak eman ditugula salatu behar dugu. Bidean geratu direnen eta bidean jarraitzen duten errefuxiatu orori, guztien omenez, egun hau inoiz baino gehiago ozen aldarrikatu behar dugu. Milaka gaitz jasan behar dituzten errefuxiatu ekonomiko, politiko, anbiental, sanitario eta gerra errefuxiatuei, gure babes osoa eskaini behar diegu bai Euskal Herrian, eta baita Europan ere. Azken urte hauetan, eta ACNURen datuen arabera, 65 milioi pertsona baino gehiagok euren etxeetatik ihes egitera behartuak izan dira gudak, biolentzia, goseteak eta jazarpenak direla eta, beste arrazoi aunitzen artean. Euren etxeetatik alde egin behar izan dute familia askok, zeukaten guztia bertan utzirik, mundu latz honetan bizirik jarraitu ahal izateko. Egora latz hau bereziki emakumeek eta haurrek jasaten dute, matxismoa, biolentzia, esplotazio eta esklabotza sufritzen dutelarik. Konflikto berriak sortzen diren bitartean, amaigabeko gatazkek gogortzen eta areagotzen dira egunero, errefuxiatuen egoera larriagotzen den bitartean. Eta Europako instituzioetatik itsu, mutu eta gor daude. Egunero euren herrietatik ihes egitera behartuak izan diren milaka pertsonek Mediterraneoa zeharkatzera edota Europako harresien gainetik salto egitera bakarrik geratzen zaie, mafien eskuetan euren biziak utziz edota bizia zuzenean Turkiaren sarreran galduz. Eta hori ez bakarrik, behar duten laguntza eskaini ez ezik, euren herrietara deserritzen ditugu, bertako gatazkek irentsiko dituzten edo kezkatu gabe. Lotsaren harresien zaindari gara itsasoa hilerri bilakatzen dugun bitartean. Europa solidarioa Kimera bat da eta gu Zerberoa gara. Txanpon poltsa baten truke zubiak eraikitzen ditugu, elkartasuna gure bizi-erritmoa asetzeko lehengaia ez baita. Mundu justu bat lortu arte, internazionalismoa dela medio; Elkartasuna, lankidetza eta...

Read More