slide

  • Aurre egin diezaiogun LGTBIfobiari

    LGTBIfobiaren aurkako eguna da gaur, baina ez daukagu zer ospatzerik; homofobia, transfobia eta hainbat fobia gure gorputz eta arimetan jasaten baititugu gaur egun ere. (gehiago…)

  • Gazte  Abertzaleakek  omenaldia  egingo  dio  larunbatean  Nestor  Basterretxeari,  Eusko  Alkartasuna  eta  Fundazioarekin  batera

    Gazte Abertzaleakek omenaldia egingo dio larunbatean Nestor Basterretxeari, Eusko Alkartasuna eta Fundazioarekin batera

    Gazte Abertzaleakek larunbat goiz honetan, maiatzak 6, Hondarribian Nestor Basterretxea alderdikideari omenaldia antolatu dio, Eusko Alkartasuna eta Alkartasuna Fundazioarekin batera. “Euskal Herritik mundura; mugak eta elkartasuna” izenpean egingo da mahai-ingurua eta omenaldia Kultur etxean eta Arma plazan burutuko dira, hurrenez …

  • Maiatzaren  Lehena,  gazteok  borrokan

    Maiatzaren Lehena, gazteok borrokan

    2017ko Maiatzaren Lehen honetan Gazte Abertzaleakek Euskal Herri aske eta solidarioaren aldeko bere konpromisoa berresten du eta euskal gehiengo sindikalak egindako deialdiekin bat egiten duela azaldu du, euskal gazteria bertan parte hartzera bultzatuz. (gehiago…)

Gernika

Gazte Abertzaleakek EH Bildu eta gazteriaz eztabaidatuko du apirilaren 15ean Gernikan, Aberri Asteburuaren baitan

11 Api, 2017 Gernika, Independentistak, Prentsa Oharrak

Apirilaren 16ko Aberri Eguna dela eta, eta Aberri Asteburu baten baitan, Gazte Abertzaleakek apirilaren 15an Nazio Batzarra ospatuko du eta bertan EH Bilduren eta gazteen arteko erlazioaren inguruko proposamena eztabaidatu eta onartuko du. Bere egingo du bertatik ateratzen den testua eta Eusko Alkartasuna, EH Bildu eta gainontzeko gazte erakundeei adostutakoaren berri emango die. “Eztabaida euskal gazteriari eskaintza politiko erakargarri bat egiteko koalizioan beharrezkoak diren aldaketetan oinarrituko da”, adierazi du gazte erakundeak. Gainera, “nahita nahiez EH Bildu koalizioaren lau alderdi politikoekin lotura duten gazte erakundeekin zerikusirik ez duten gazteei zabaltzea debatearen puntu” nagusienetakoa dela ohartarazi dute. Gainera, Gazte Abertzaleak gazte antolakundeak apirilaren 16ko Aberri Eguneko ekitaldiak direla eta “Aberri Asteburua” antolatu du apirilaren 14tik 16ra Gernikan. Igandean bertan, eta urtero legez, Independentistak Sareak deitzen duen manifestazioan egongo da, “Askatasuna eta bakea… Euskal Herriak erabaki!” lemapean eta Gernika Batzordearekin batera izango dena. Aberri asteburu honetan formakuntza saioak, eztabaidak eta bisita kultural-politikoak antolatu dituzte. “Euskal Herriarentzat hain garrantzitsua den egun honetan Kataluniako, Galiziako, Valentziako, Andaluziako, Galeseko eta Veneziako” delegaritzak etorriko direla azaldu dute, “Europako herri ezberdinen egoera eta borrokak ezagutzeko asmoarekin”. Igandean, Independentistak sareak Gernika Batzordearekin batera deituriko manifestazioan egongo da gazte erakundea eta euskal gazteria deitzen du bertaratzea, “independentziak egingo baitigu herritar...

Read More

2017ko Aberri Egunean, Gernikatik independentziara!

11 Api, 2017 Adierazpena, Gernika, Independentistak

Herri honek prozesu independentista bat behar du eta horregatik Aberri Egunean Gernikan izango gara Independentistak sareak eta Gernika Batzordeak deituriko manifestazioan! #AberriEguna2017 2017ko Aberri Eguna apirilaren 16an izango da, eta 26an Gernikako bonbardaketaren 80. urteurrena. Bi datak elkarlotu eta aurtengo Aberri Eguna Gernikan ospatzea erabaki genuen, bere momentuan kaleratu genuen moduan. Beraz bonbardaketaren 80. urteurrena dela eta “Askatasuna eta bakea… Euskal Herriak ERABAKI!” lemarekin GERNIKA BATZORDEAk eta INDEPENDENTISTAK Sareak antolatuta apirila osoan zehar Gernikan burutuko diren ekimen, ekitaldi eta mobilizazioen artean kokatuta dago aurtengo Aberri Eguna. Estrategia genozida baten baitan burututako gizateriaren aurkako krimena izan zen Gernikako bonbardaketa. Baina Gernika eta sarraskia hain gordin erakusten duen Picassoren “Guernica” margolana askatasunaren eta bakearen ikur bilakatu dira mundu osoan eta, batez ere, euskal herritarron artean. Sarraskitik, sufrimendutik eta injustiziatik askatasunera egiten du jauzi Gernikak. Hondamendiaren erdian, herri libre batera berarekin hegan egiteko deia luzatzen digu “Gernikako txoriak”. Gernikatik independentziara. Uste dugu Gernikako bonbardaketaren 80. urteurrena Euskal Herriaren etorkizunari buruzko hausnarketa sakona egin eta urratsak zehazteko unea dela. Euskal Herrian zehar burutzen ari den herri galdeketa prozesuaren erdian ospatuko dugu aurtengo Aberri Eguna. Erabakiaren garaian bete betean sartuta gaude eta ordua iritsi da menpekotasunezko iraganari loturik mantentzen gaituzten kateak apurtu eta etorkizunera jauzia egiteko. Dependentziaren kalteak egunero nozitzen ditugu eta geure buruaren jabe izatea ezinbestekoa da gure herriaren etorkizuna eraikitzeko arlo guztietan: politikoan, ekonomikoan, sozialean zein kulturalean. Katalunia eta Eskozia independentziara bidean urrats sendoak egiten ari dira eta guk ezin dugu tren hori pasatzen utzi. Euskal Herriarentzat ere argi dago zein den alternatibarik onena: estatu propioa eratu eta lehen Euskal Errepublika Independientea proklamatu. Horrexegatik, Aberri Egunean gure prozesu soberanista bultzatuko duen gehiengo sozial independentista herriz herri aktibatu eta eratzeko deia egiten dugu. Sigla politiko eta sentsibilitate zehatzen gainetik apirilaren 16an gernikako Aberri Egunean parte hartzeko deia egiten diegu euskal herritar guztiei, denok batera “Gernikako txoria” paparrean, iragana oroituz, etorkizuna eraikitzeko konpromisoa konpartitzeko eta lau haizeetara argi eta garbi esateko: Euskal Estatu demokratiko eta sozialari BAI! Euskal Errepublikari BAI! EGITARAUA Aldarrikapena eta ospakizuna uztartuko ditu Aberri Egunak, eta egun osoko egitaraua izango da. Aldarrikapena izango da nagusi eguerdiko 12etan Udaletxeko Plazan hasiko den manifestazioan eta amaieran Pasealekuan burutuko den ekitaldi politikoan. Ondoren, ospakizunaren txanda etorriko da eta, jai giroan, egitarau zabala izango da Gernikan...

Read More

“Gernikan batzen garen eragileok luze baino lehen Kolektiboarekin harremanetan jartzea adostu dugu”

18 Ots, 2011 Gernika

Gaur Gernikako Akordioa sinatu zituzten hiru eragile esparruetatik, hiru ordezkarik, Gazte Abertzaleakeko Idazkari Nagusia den Maider Carrere euren artean zegoelarik, Gernikako Akordioaren sinatzaileek hurrengo egunotan Euskal Preso Politikoen Kolektiboarekin (EPPK) harremanetan jartzearen erabakiaren berri eman dute. Irakurri den testua ondorengoa izan da: Gernikako Adierazpena sinatzen dugun alderdi, sindikatu eta eragileek , baikorki baloratu nahi dugu Euskal Preso Politikoen Kolektiboak (EPPK) lehenik modu pribatuan eta ondoren publikoki gurekin harremanetan jartzeko erakutsi duen nahia eta interesa. Garrantzia handikoa ikusten dugu Euskal Herrian abian den prozesuan EPPK ak egin dezakeen ekarpena, beste eragileekin batera. Eta beraz, EPPKak Gernikako Akordioa sinatzea eta bertako partaide izatea positiboki baloratuko genuke. Zenbat eta kolektibo, eragile gehiago batu, are eta indar handiagoa, abian den bake eta normalizazio politikoa gauzatzeko. Beste eragile politiko, sindikal eta sozialekin elkarlanean, EPPK.k prozesu honetan parte hartze aktiboa izan behar duela pentsatzen dugu. Hori da gure borondatea. Zentzu honetan, Gernikan batzen garen eragileok luze baino lehen Kolektiboarekin harremanetan jartzea adostu dugu. Datozen asteotan EPPK-ko mintzakideekin aurrez aurre biltzea da gure asmoa, horretarako gure aldetik ordezkaritza jada zehaztu dugularik. Bi estatuei eskaera luzatu nahi diegu ireki eta mantendu asmo dugun harreman iraunkor honetan oztoporik jarri ez dezaten. Presoei aplikatzen zaien sakabanaketa krudel eta legez kanpokoaren eraginez, milaka dira euren senideek astebururo ibili behar dituzten kilometroak. Oraingoan gu izango gara Huelvatik Bretainaraino bidea egingo dugunok. Eta hori, bada oztopo. Gernikako Akordioa sinatu dugun eragileok modu libre eta duin batean garatu nahi dugu EPPK-rekiko harremana. Eta horrela izan dadin eskatzen diegu bi gobernuei. Euren parte hartzea funtsezkoa bai deritzogu bake bide eta konponbide demokratikoak aurrera egin dezan. Hala suertatu baita munduan ezagutu ditugun jatorri politikoko beste gatazka batzuetan, kasurako Irlanda, Hegoafrika edoPalestina. Gernikako akordioan jasotzen den euskal preso politikoei dagokien atala berrestu nahi dugu bestetik. Prozesu demokratikoa bururaino eramateak, gatazka politikoa konpontzearekin batera, euskal preso eta iheslari politiko guztien etxeratzea lehen bai lehen ekarri behar du . Bide horretan, une honetan espetxeetan ezarri diren muturreko egoerak gainditzeko urratsak eskatzen ditugu. Inongo xantaiarik eta baldintzarik gabe, gaixotasun larriak dituzten presoak askatu, kalean legez behar luketen presoak askatu, isolamendu politika eten eta bizi osoko zigorrarekin nahiz sakabanaketarekin bukatzea. Benetako amnistia helburu izanik, preso politikoen eta gizartearen beraren duintasunerako. Egoera berri bat ireki da gure herrian, eta behar beharrezkoa...

Read More

Gernikako sinatzaileek atzoko atxiloketak gaitzetsi dituzte

17 Abe, 2010 Adierazpena, Eskubide zibil eta politikoak, Gernika

Gazte Abertzaleak-eko Asier Gomez eta Euskal Herriak bere Eskolako Ainhoa Larrabek irakurri dute, gaztelera eta euskaraz, Gernikako Akordioaren sinatzaileen dokumentua. Testuan bi abokatu eta gazte independentisten atxiloketak salatu eta politikari oztoporik ez jartzeko eskatu dute. Honakoa da Bilbon egin den agerraldian irakurri den testua: “Gernikako Akordioan bildutako alderdi politikoek, sindikatuek eta eragile sozialek atzo gauean sei gazte eta bi abokaturen aurkako polizia operazioa salatu nahi dugu. Egoera politiko honetan halako operaziorik gertatzea gero eta ulergaitzagoa da, Akordio hau izenpetu genuenok bultzatzen ari garen bake eta irtenbide demokratiko prozesua oztopatu eta geldiarazi asmoz ez bada. Gaur lau herrialdetan atxilotu dituzten gazte eta abokatuei, beraien senide, lagun eta kideei gure elkartasuna adierazi nahi diegu. Gainera Espainiako Poliziak atxilotu dituela eta hurrengo egunetan inkomunikatuta egongo direla jakitun, torturak eta tratu txarrak jasan ditzaketelakoan, beraien egoeraz gure kezka azaltzen dugu. Gaur egun tortura arriskua izatea bera oso larria iruditzen zaigu. Tamalez, badakigu duela hilabete batzuk atxilotu zituzten Gazte Independentistek torturak pairatu zituztena. Horregatik lehenbailehen inkomunikazio egoera bertan behera utziz epailearen aurrean jartzeko eskatzen dugu. Badakigu, ordea, Gazte Independentistek bake eta aterabide demokratiko prozesu honekiko konpromiso handia dutena. Gaurkoa azken urtean beraien aurka Auzitegi Nazionaletik bideratutako hirugarren sarekada dugu. Hala eta guztiz ere, Gernikako Akordioa izenpetuz eta honen jendarteratze dinamikan parte hartuz beraien konpromisoa erakutsi dute. Une gogor honetan bide horretan gurekin batera indarrez eta kemenez jarrai dezaten adorea eman nahi diegu. Bitartean haien aurkako jazarpenak berdin-berdin dirau, beraien oinarrizko eskubide zibil eta politikoak behin eta berriz urratuta. Gernikako Akordioa izenpetu dugun eragile guztiok Espainiako Gobernuari berak ere bide politiko eta demokratikoen aldeko hautua behingoz egiteko eskatu nahi diogu. Bada garaia arrazoi politiko hutsengatik ideien kriminalizazioa, polizia jazarpena, atxiloketak eta espetxeratzeak iraganeko kontu bihurtzeko. Bada garaia torturak eta tratu txarrak desagertzeko. Bada garaia Espainiako Gobernuak jazarpena, ilegalizazioak eta errepresioa bertan behera utziz bake bideari ekiten hasteko. Hemen gaudenok are grina handiagoz bake bidea ibiltzen jarraitu nahi dugu. Aterabide demokratikoen bila jarraituko dugu, honetan euskal herritar gehiengoa gurekin dugula jakinda. Horra hor gure konpromisoa euskal jendartearekin. Akordioaren edukiak jendarteratuz eta haiek betearazteko ere gure ahotsa altxatuz jarraituko...

Read More