slide

  • Gizarte  eskubideen  alde  eta  DBE-ren  murrizketen  aurka,  apirilaren  1eko  manifestazioan  egongo  gara

    Gizarte eskubideen alde eta DBE-ren murrizketen aurka, apirilaren 1eko manifestazioan egongo gara

    Euskal Herriko Eskubide Sozialen Kartak manifestazio bat antolatu du datorren apirilaren 1erako Bilbon eskubide sozialen alde eta murrizketen kontra. Gaur Eusko Jaurlaritzaren aurrean egindako kontzentrazioan deitzaileek ekimenak orain arte jaso dituen atxikimenduak aurkeztu dituzteeta Gazte Abertzaleak ekimen honen parte da. …

  • Gazte  Abertzaleakek  Gipuzkoako  Diputazioak  errauskailua  eraikitzeko  dituen  presak  salatu  ditu

    Gazte Abertzaleakek Gipuzkoako Diputazioak errauskailua eraikitzeko dituen presak salatu ditu

    Gazte Abertzaleak Gipuzkoan errauskailua eraikitzearen alde eman diren azken pausoen kontra azaldu da eta hauek geldi daitezen eta “benetako alternatiba jasangarria” adostu eta eraiki dadin eskatu du. Diputazioan dauden EAJ eta PSEk makro-proiektua eraikitzeko dituzten presak gogor salatu ditu eta …

  • Martxoaren 19ko herri galdeketetan, bai independentziari

    Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, martxoaren 19an egingo diren, eta etorkizunean burutuko diren herri galdeketa ezberdinetan parte hartzen egongo …

Gazte Abertzaleakek bat egiten du Gure Esku Dagoren mobilizazioekin Katalunia babesteko

on 4 Ots, 2017 in Sailkatu gabea

 demokrazia

Gazte Abertzaleak bat egiten du Gure Esku Dago dinamikak, Kataluniako Auzitegi Nagusian hainbat ordezkari politikoren aurka hasiko den epaiketarenaurrean, datorren iganderako egin duen mobilizazio deialdiarekin.

Demokraziaren babesa aldarri, Gure Esku Dagoren deialdia txalotzen dugu eta datorren igandean, otsailaren 5ean, eguerdiko 12.00etan, Iruñea, Bilbo, Donostia eta Gasteizen egingo diren mobilizazioetan parte hartzera animatzen ditugu euskal gazteria.


Demokraziaren aldarria, lau hiriburutatik lau haizetara

 

Astebete barru galdeketa bat epaituko dute, Kataluniaren etorkizunari buruzko galdeketa bat, 2014ko azaroaren 9an egindakoa, non bi milioitik gora lagunek parte hartu zuten. Galdeketa haren ​​antolaketan izandako parte hartzeagatik, orduko Generalitateko lehendakari Artur Mas eta orduko hiru kontseilari eraman dituzte akusatuen aulkira, auzibidean dauden beste hainbat arduradun politikoren artean. Baina otsailaren 6an ez dituzte soilik Generalitateko arduradun batzuk epaituko. Galdeketa hura egiteko herri borondatea ere epaituko dute, baita galdeketa hartan era batera edo bestera parte hartu zuten bi milioitik gora herritarrak ere.

 

Traba, oztopo eta jazarpen judizial hauen guztien aurrean, Gure Esku Dagok elkartasuna eta babesa adierazi nahi dio Kataluniari. Helburu horrekin, euskal herritarrei dei egiten diegu otsailaren 5ean, datorren igandean, parte hartu dezaten Euskal Herriko hegoaldeko lau hiriburuetan egingo ditugun mobilizazioetan. Ez dugu lelo berririk asmatu; hitz bakar batekin erantzungo dugu: Demokrazia.

 

Demokraziaren aldarria lau hiriburutatik lau haizetara zabalduko dugu. Hori baita gure dinamikaren oinarria, herritarron eskubideen bermea, edozein herriren zutabea. Datozen hilabeteotan 110etik gora herritan galdeketak egingo ditugu, ariketa demokratikoak, etorkizuna erabakitzeko. Galdeketen bidea irmoki defendatzen eta jorratzen jarraituko dugu Euskal Herrian. Kataluniari bere etorkizuna erabakitzeko jartzen ari diren trabak euskaldunon kontra ere erabili ditzakete etorkizunean. Eta gaurtik argi utzi nahi dugu ez dugula onartuko herritarrei hautetsontziak jartzeagatik inor auzipetu eta epaitzea. Ez Euskal Herrian, ez Katalunian, ez inon.

 

Datorren igandean demokrazia hitza hiriburuen erdigunean kokatuko dugu. Eta dei egiten diegu herritarrei bat egin dezatela guztiona den aldarri honekin. Herritar bakoitzak gutunazal bat ekar dezala; herritarron bozka, erabakia eta hitza sinbolizatuko duen botopapera. Indarrak batuz, Kataluniari elkartasun demokratikoa adieraztera goaz eta, era berean, gure eskubideen oinarria hauspotzera. Demokrazian sakonduz soilik eraikiko baitugu etorkizun hobe bat. Gure esku dago!

Info gehiago