slide

  • Gazte  Abertzaleakek  Maravillas  Gaztetxearen  hutsaraztea  arbuiatu  du  eta  Geroa  Bairi  aldaketaren  gobernuari  sabotajea  egitea  leporatu  dio  PSNrekin  ordezko  gobernua  bilatzeko
  • Ez  ikaratu

Gazte Abertzaleakek Urkulluren Gobernu berriari Gazteriaren Legearekin konprosimoak eskatzen dizkio

27 Aza, 2016 Adierazpena

cyrgqa8wqaavcr1

  • Erakundeak bere XIV. Biltzar Nagusia ospatu du, bertan estatutuak, lerro politikoa eta Nazio Batzordea berritu duelarik.
  • Asier Gomezek, idazkari nagusi berriak, gazteriak EH Bilduren antolatze ereduko eztabaidan parte hartzearen beharra azpimarratu du.

Gaur Gazte Abertzaleakek, Eusko Alkartasunaren gazte erakundeak, bere XIV. Biltzarrari itxiera eman dio Batzorde berriaren hautatzearekin. Idazkaritza nagusia erakundearen Bilboko militantea den Asier Gomezek eramango du hemendik aurrera. Bere lehenengo hitzekin EAJk eta PSEk “Eusko Jaurlaritzan bi legealdi galdu dituztela” salatu du Gazteriaren Legea zorabiatzen, eta honen aurrean Urkulluri exijitu dio “epe, prozedura eta konpromisoak ezarri ditzala luzamendutan ibili gabe”.

Gazte Abertzaleakeko militantziak aho batez babestu du Asier Gomez buru zuen zerrenda, bertan Haritz Pérez (antolakuntza), Edriga Aranburu (finantzak), Mikel Osinalde (komunikazioa), Olatz Campos (sektoriala), Iker Montes (harreman nazionalak), Adrián Fuentes (nazioartekoa) eta Andoni Iriondok (formakuntza) ere parte hartzen zutelarik. Hurrengo asteen pean erakundeak lurraldeetako ordezkariak hautatuko ditu, Nazio Batzordea osatuz.

Nazio batzorde berriak prentsaurrekoa burutu du Eusko Alkartasunako idazkari nagusia den Pello Urizarrekin batera, erakundeak berehalako etorkizunean bere buruari ezarri dizkion erronka nagusiak ezagutarazteko asmoarekin. EH Bilduk burutzen ari den barne antolamenduaren inguruko eztabaida prozesuaren harira, “EH Bildu gazteriarentzat eskuragarriago izateko Gazte Abertzaleakek bere harri-koxkorra ekarri” behar duela adierazi du, “EH Bilduren baitan nola antolatu eta parte hartu behar dugun” hausnarketa eginaz.