slide

  • Eman euskarari arnasa, bizi euskaldun

    Euskara gu guztion altxorra da, ez putzu sakon eta ilun batean gordetzeko altxorra. Euskaldunok ezpainetan dugun lanabes baliotsua da, elkarrekin partekatzekoa. Muxuak bezalaxe, ezpainetik ezpainetara salto egiten duen animalia da, elikatu eta zaindu beharreko laguna. (gehiago…)

  • Ez  ikaratu

    Ez ikaratu

    Azaroaren 25a “Emakumearen Kontrako Indarkeriaren Aurkako Nazioarteko Eguna“ bada ere, egunkarietako azaletako irudia bihurtzen bada ere, Nazio Batuen Erakundearen mikrofonoetan, erakundeetako adierazpenetan, eta bularretan lazo lilak eramaten badira ere, azaroaren 26an ahantziko den postureo hutsa izango da; propaganda amaitu orduko, …

  • Azaroaren 5eko herri galdeketetan, bai independentziari

    Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, azaroaren 5ean egingo diren, eta etorkizunean burutuko diren herri galdeketa ezberdinetan parte hartzen egongo …

Gazte Abertzaleaken XIV. Biltzarra

25 Aza, 2016 Adierazpena

img-20160513-wa0000Gazte Abertzaleakek, Eusko Alkartasunaren gazte erakundeak, “Pausoz pauso, gazteok bidea eginez” lelopean bere XIV. Nazio Biltzarra ospatuko du asteburu honetan, azaroaren 26 eta 27an, Bilbon.

Nazio Biltzar honetan gazte erakundeko militante guztiak daude deituak parte hartzera eta datozen 2 urtetarako gazte erakundearen estrukturaz, filosofiaz eta etorkizuneko erronketaz eztabaidatuko dugu sakonki. Euskal Herriaren askapen sozial eta nazionala helburu, euskararen normalizazioa, feminismoaren beharra, ingurumenaren zaintza, justizia sozialaren ezarpena, erabakitzeko eskubidearen bultzada eta euskal gatazkaren konponketaz eztabaidatuko dugu asteburuan zehar, gazteok dauzkagun egungo eta etorkizuneko erronkei begira, datozen bi urteetan jarraituko ditugun ildoak zehaztuz.

Euskal Herriko txoko guztietan, gazte borondatea kaleetatik eta erakundeetatik zabaldu dugu. Etorkizuna izateaz gain, oraina garelako, eta duintasunaren izenean, gizartean geure parte-hartzea zuzendu behar dugu eta zuzendu nahi dugu politika eta politikan jarduteak ematen dizkigun baliabideak medio.

Euskal Herri honetan oraindik hamaika gauza daude egiteke, eta horren alde, hamaika ekimen ditugu sortzeke. Eta Gazte Abertzaleak Euskal Herriaren askapen politiko eta sozialaren alde lanean egongo da tinko!