slide

  • Gizarte  eskubideen  alde  eta  DBE-ren  murrizketen  aurka,  apirilaren  1eko  manifestazioan  egongo  gara

    Gizarte eskubideen alde eta DBE-ren murrizketen aurka, apirilaren 1eko manifestazioan egongo gara

    Euskal Herriko Eskubide Sozialen Kartak manifestazio bat antolatu du datorren apirilaren 1erako Bilbon eskubide sozialen alde eta murrizketen kontra. Gaur Eusko Jaurlaritzaren aurrean egindako kontzentrazioan deitzaileek ekimenak orain arte jaso dituen atxikimenduak aurkeztu dituzteeta Gazte Abertzaleak ekimen honen parte da. …

  • Gazte  Abertzaleakek  Gipuzkoako  Diputazioak  errauskailua  eraikitzeko  dituen  presak  salatu  ditu

    Gazte Abertzaleakek Gipuzkoako Diputazioak errauskailua eraikitzeko dituen presak salatu ditu

    Gazte Abertzaleak Gipuzkoan errauskailua eraikitzearen alde eman diren azken pausoen kontra azaldu da eta hauek geldi daitezen eta “benetako alternatiba jasangarria” adostu eta eraiki dadin eskatu du. Diputazioan dauden EAJ eta PSEk makro-proiektua eraikitzeko dituzten presak gogor salatu ditu eta …

  • Martxoaren 19ko herri galdeketetan, bai independentziari

    Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, martxoaren 19an egingo diren, eta etorkizunean burutuko diren herri galdeketa ezberdinetan parte hartzen egongo …

Holokaustoaren biktimak oroimenean

on 27 Urt, 2017 in Sailkatu gabea

Untitled-1Holokaustoaren garaiko zenbait jarrera diskriminatzaile, baztertzaile eta suntsitzaileak urrun sentitzen baditugu ere, ez dira gure inguruan gaur egun ikus ditzakegun askotariko jokabide intoleranteen oso desberdinak. Hori dela eta, Nazio Batuen Erakundeak urtarrilaren 27a holokaustoaren biktimak oroitzeko eguna finkatzea erabaki zuen, denboraren igarotzeak gertaturikoaren izugarrikeriei garrantzirik ez kentzeko eta sekula gertakari horiek ez justifikatzeko. Aukeratu zen data horretan, 1945ean, armada sobietarrak sarraski naziko zelai handiena askatu zuen, Auschwitz-Birkenau (Polonian).

Eta sinestezina dirudien arren, bada holokaustoa gertatu zela ukatzen duenak, edo juduak, ijitoak eta bestelako gutxiengoak diskriminatu eta bereizi zituztela justifikatzen duena ere. Bigarren Mundu Gerraren (1939-1945) aurretik zein ondoren, Hitlerren gobernuak (Alemania eta herrialde okupatuak) juduen herria ez ezik, komunitate erlijiosoak, gutxiengo taldeak –esaterako, ijitoak, Jehovaren lekukoak, homosexualak edo desgaitasuna zuten pertsonak– eta disidente politiko nahiz ezkerreko jendea –sozialistak, komunistak, anarkistak…– suntsitzeko politika progresiboa jarri zuen martxan.

Masan egindako genozidio hau, holokausto izenez ezaguna, jendearen aurkako politika baztertzaileekin eta hirietako ghettoetan bereiztearekin abiatu zen, eta milaka pertsona sarraskitze-esparruetara deportatuz eta bertan akabatuz amaitu zituzten. Sufrimenduak urte luzeetan jarraitu zuen, armada aliatuek 1945eko urtarrilaren 27an sarraskitze-esparruak askatu zituzten arte.

Bigarren Mundu Gerrak, Euskal Herrian, hainbat arlotan izan zuen eragina, eta hainbat neurritan. Izan ere, Bigarren Mundu Gerran, alde batetik Ipar Euskal Herria gudu-zelai bilakatu zen eta urte luzez nazien mendean egon zen ere. Bestalde, Hego Euskal Herriak mundu gerra zuzenean pairatu ez zuen arren, gerrate zibil baten ondorioz eta nazien eta faxisten bonbardaketak medio, euskal gizartea larriki zauritua geratu zen.

Euskal Herria guda honetan borrokalari aktibo zein pairatzaile pasibo izan zen, baina beti ere galtzen atera zen gizartea daukagu. Ez dezagun ahaztu gure arbasoek pairatu zutena.

Garai horietako faxismoaren aurkako eta intolerantziaren kontrako “espiritua“ berreskuratu dezagun!

#Oroimena