slide

  • Gizarte  eskubideen  alde  eta  DBE-ren  murrizketen  aurka,  apirilaren  1eko  manifestazioan  egongo  gara

    Gizarte eskubideen alde eta DBE-ren murrizketen aurka, apirilaren 1eko manifestazioan egongo gara

    Euskal Herriko Eskubide Sozialen Kartak manifestazio bat antolatu du datorren apirilaren 1erako Bilbon eskubide sozialen alde eta murrizketen kontra. Gaur Eusko Jaurlaritzaren aurrean egindako kontzentrazioan deitzaileek ekimenak orain arte jaso dituen atxikimenduak aurkeztu dituzteeta Gazte Abertzaleak ekimen honen parte da. …

  • Gazte  Abertzaleakek  Gipuzkoako  Diputazioak  errauskailua  eraikitzeko  dituen  presak  salatu  ditu

    Gazte Abertzaleakek Gipuzkoako Diputazioak errauskailua eraikitzeko dituen presak salatu ditu

    Gazte Abertzaleak Gipuzkoan errauskailua eraikitzearen alde eman diren azken pausoen kontra azaldu da eta hauek geldi daitezen eta “benetako alternatiba jasangarria” adostu eta eraiki dadin eskatu du. Diputazioan dauden EAJ eta PSEk makro-proiektua eraikitzeko dituzten presak gogor salatu ditu eta …

  • Martxoaren 19ko herri galdeketetan, bai independentziari

    Erabakiaren aroa da eta Gazte Abertzaleak gazte erakundetik argi dugu zein den gure bidea Euskal Herri alai, anitz eta aske bat lortzeko: independentzia. Hori dela eta, martxoaren 19an egingo diren, eta etorkizunean burutuko diren herri galdeketa ezberdinetan parte hartzen egongo …

Maider Carrereri elkarrizketa GARAn

on 26 Ira, 2009 in Sailkatu gabea

Maider Karrere, Idazkari Nagusia

Gazte erakundeko lehendakari gisa zein erronka dituzu une honetan esku artean?

Erronka nagusia gainean dugun krisi larri honi aurre egitea da. Gazteok protagonismoa erabat galdu dugu bertan, eta gainera, kaltetuenak izanik, erantzun bat eman behar digute. Politikariek orain arte asko hitz egin dute gazte politikak aurrera eramateaz eta, baina krisia etorri denean inor ez da horretan hasi. Krisiaz gain, subiranotasunaren beharra ere aldarrikatuko dugu. Euskal Herriko gazteriak behar dituen eskubideak lortzeko lehen pausoa da subiranotasuna. Gure aberria izanik lanabesak aurkituko ditugu eta Europaren barnean gure bideari ekiteko aukera izango dugu. Aurrera eramango ditugun dinamikak desobedientzia zibilean oinarrituko dira.

Nola ikusten duzu une honetan Euskal Herriak duen egoera politikoa?

Gobernu aldaketak gauzak pixka bat aldrebestu dizkigu abertzaleoi. Aldaketa berez negatiboa da, ziurrenik atzerapauso asko ikusiko ditugulako, baina aldi berean, egoera ona izan daiteke abertzaletasuna eta autodeterminazioa bide berrietara eramateko, eta animo berriak sortzeko. Egia esan, abertzaleak euskal gobernua hartuz geroztik lotan gelditu garela uste dut; asko lasaitu gara. Agian aldrebeskeria honek abertzaletasuna bultza lezake, abertzaleen bideari indarrez ekiteko eta abertzale guztiak batzeko.

Eta gazteriak zein ekarpen egin dezake bide horretan?

Egoera korapilatsu honek batez ere gazte munduan izango du eragina, edo hori espero dugu. Gazteriak egin dezakeen ekarpenik handiena bere indarra, berrikuntza eta bere ikuspegi berria txertatzea da. Europan gerontokrazia batean bizi gara. Politikan ez ditugu gazteak, eta gazteoi ez digute kasu egiten politikagintzan. Aldarrikapen hori eduki behar dugu, batetik, politikan aintzat hartuak izan behar dugulako, eta bestetik, guk ere bertan inplikatu behar dugulako. Politikan baldin bagabiltza, aukera gehiago izango dugu politika bera bideratzeko.

Abertzaleen batasuna lortzeko zein oztopo ikusten duzu?

Oztoporik handiena biolentzia da. Alde batetik, ETAren biolentzia, eta bestetik, Estatuak jartzen dizkigun oztopoak. Abertzaletasunaren kontra gogor egiten du, abertzaletasuna bera «makurkerien filosofia» gisa joz. ETAren eragina txarra da; heriotzak eragiten dituelako eta abertzaleok eraman ditzakegun teoriak eta praktikak baliogabetzen dituelako. Horiek dira oztoporik larrienak, baina honi, krisi ekonomikoa eta jendeak duen beldurra gehitzen badiogu, abertzaleon aldarrikapenak atzean gelditzen dira. Aberriaren beharra ez da ikusten. Gure ustez, aldiz, alderantziz izan beharko luke, aberria izanda ekarpen gehiago ekarriko zizkigun.

Eta zein aurrerapauso?

Ez dakit orain dela urte batzuk baino hobeto edo okerrago gauden, baina beharra behintzat mantentzen da. Alderdi guztiok lehentasuntzat hartu beharko genuke batasun hori bilatzea. Abertzaleak biltzea beharrezkoa da, batetik, dugun kasuistikagatik; txarra da leku guztietan unionistak baitaude gobernuan. Eta bestetik, folklorismo hutsa diren politikez gain, herri politika serioak ez direlako egiten. Abertzaleok batu egin behar dugu, bai aldaketa emateko, bai gizarteak gugan sinesteko.

Eta gazte mailan batasun horri begira lan egiten al da?

Guk behintzat gainerako gazte eragileekin biltzeko asmoa dugu, hori erabaki dugu biltzarrean, bai gazteriak duen berezko garrantziagatik, eta bai, bereziki, nahi dugun subiranotasuna lantzeko. Praktika hori eraman nahi dugu.

Zer-nolakoa izan da hogei urte hauetako ibilbidea?

Militante oparoak izan dituen alderdi batetik gatoz; EAk beti izan ditu bere baseak berritzeko gazte asko eta horretan jarraitzen dugu. Pertsona oso baliotsuak atera dira Gazte Abertzaleetatik, Fernando Belasko, Peio Urizar edo Onintza Lasa, besteak beste. Politikari eta pertsonen ikastetxe bat da gure erakundea. Filosofia gizartearekin aldatuz joan da, baina ezkertiarrak izaten jarraitzen dugu, baita europeistak ere eta EAko harrobi bezala jarraitzen dugu. Pertsonak aldatu dira, baina ez filosofia.

Hala ere, gaur egun gazte talde guztietan egoera txarra dela ezin dugu ukatu.

EAn izan den zatiketak eraginik izan al du zuengan?

Ez. Gazte Abertzaleak beti izan da alderdia baino ezkertiarrago eta aitzindariago eta horregatik ez du krisia pairatu. Noski alderdi barneko gauzak beti eragiten dute, baina bestela ez.

Elkarrizketa GARAn