slide

  • Aurre egin diezaiogun LGTBIfobiari

    LGTBIfobiaren aurkako eguna da gaur, baina ez daukagu zer ospatzerik; homofobia, transfobia eta hainbat fobia gure gorputz eta arimetan jasaten baititugu gaur egun ere. (gehiago…)

  • Gazte  Abertzaleakek  omenaldia  egingo  dio  larunbatean  Nestor  Basterretxeari,  Eusko  Alkartasuna  eta  Fundazioarekin  batera

    Gazte Abertzaleakek omenaldia egingo dio larunbatean Nestor Basterretxeari, Eusko Alkartasuna eta Fundazioarekin batera

    Gazte Abertzaleakek larunbat goiz honetan, maiatzak 6, Hondarribian Nestor Basterretxea alderdikideari omenaldia antolatu dio, Eusko Alkartasuna eta Alkartasuna Fundazioarekin batera. “Euskal Herritik mundura; mugak eta elkartasuna” izenpean egingo da mahai-ingurua eta omenaldia Kultur etxean eta Arma plazan burutuko dira, hurrenez …

  • Maiatzaren  Lehena,  gazteok  borrokan

    Maiatzaren Lehena, gazteok borrokan

    2017ko Maiatzaren Lehen honetan Gazte Abertzaleakek Euskal Herri aske eta solidarioaren aldeko bere konpromisoa berresten du eta euskal gehiengo sindikalak egindako deialdiekin bat egiten duela azaldu du, euskal gazteria bertan parte hartzera bultzatuz. (gehiago…)

Nortzuk Gara?

Gazte Abertzaleak (GA) Euskal Herriaren askapen nazionalaren eta justizia sozialaren lorpenerako lan egiten duen gazte talde eraldatzailea da.

Zer nahi dugu?

Gazte Abertzaleak zuk eraiki nahi duzun herriarentzako lanabesa zuzena da.

Gazte Abertzaleakek 5 zutabe sendo ditu:

  1. Independentzia VS Zatiketa administratiboa: 7 lurraldeak osotasun ideologiko ezkertiar baten alde, zure esku. Euskal Herria, hots, zazpi lurraldeetan zabalduriko herri euskalduna birbateratzea dugu helburu gure nazio zahar honi zor zaion errespetu eta aitorpena bideratuz.
  2. Elkartasuna internazionalista VS Zapalketa internazionala: “Inor ez zapaltzeko gogoa, zapalduak ez izatekoa” lemapean elkartasuna internazionalista gidari, Europako markoan, Euskal Errepublika Soziala eraikitzeko elkartu ginen.
  3. Justizia soziala VS Sistema neoliberala: “beste mundu bat posible da” leloarekin bat gatozelako, gure etsaiak, kapitalismoa eta indibidualismoa, matxismoa eta patriarkatua, faxismo eta arrazakeria, intolerantzia eta edozein motatako indarkeria dira. Feminismoa, Justizia soziala eta garapen iraunkorra, zentzurik zabalenean, mundu honetan dauden arazoen giltzarria dela aldarrikatzen dugu.
  4. Demokraziaren ezarketa erreala VS Zentzugabeko gidaritza politikoa: Demokraziaren ezarketa erreala aldarrikatzen dugu, inongo merkatu eta enpresa handien menpe ez dagoena: hiritarren partehartzean eta giza eskubideen errespetuan oinarrituta begirune eta tolerantziaren eredu bihurtuko dena.
  5. Formazioa eta ekintza politiko zuzena da gurean ardatza, gazte erakunde politikoa baikara, gure ustetan hauek baitira, erakundetako lanarekin batera, sistema eraldatzeko bitartekoak.

Funtsean Gazte Abertzaleakek zure indarra behar du… aukera berdintasuna, ingurugiroa eta garapen iraunkorra, adierazpen eta pentsamendu askatasuna, lanpostu duina, etxebizitza eskuragarriak, antimilitarismo sendo eta sakona, sexu askatasuna, drogekiko hezkuntza, informazio eta legalizazioa, herrien arteko elkartasuna, demokrazia erreala… lortzeko eta bidean aurrera jarraitzeko!

Gazte Abertzaleak erakundeak Euskal Herriarentzat eraldaketa dakar. Euskal Herria estatu gisa eraikitzeko eta aitortzeko beharrezkoak zaizkion erreminta errealak erabiliz,  nahi dugun herria aurrera ateratzeko grinaz egindako alternatiba.

Zer proposatzen dugu?

Dinamika suntsigarrietatik eta bortsa estrategietatik urrun ideien gizarteratzea dugu helburu euskal gizartearen gehiengoa gurekin bat egin bitartean. Izan ere bortsak, etikoki onartezina izateaz gain, ezin irabazi dezakegun bi Estatu boteretsuen kontrako gerra dinamika batetara baino ez garamatza.

Desobedientzia zibila aldarrikatzen dugu askapen nazional zein sozialerako zilegizko bide bezala. Tamalez ez da lan erraza; astintzen gaituen gatazkak indiferentzia eta pasibitatea eragiten du gazte askorengan.