slide

  • Gazte  Abertzaleakek  Maravillas  Gaztetxearen  hutsaraztea  arbuiatu  du  eta  Geroa  Bairi  aldaketaren  gobernuari  sabotajea  egitea  leporatu  dio  PSNrekin  ordezko  gobernua  bilatzeko
  • Ez  ikaratu

Denetarik

Denetarik gaiapean beste gaietan lekurik ez duten bidalketak sartzen dira

Euskal gazteria #Libre!

6 maiatza, 2015 Denetarik

#28akEreLibre-ko Ainhoa Villaverde, Bergoi Madernaz eta Xabat Moran gazteak atxilotu dituzte oraingoz eta Ibon Esteban, Marina Sagastizabal, Igarki Robles eta Aiala Zaldibia kondenatu dituzte. 1/12ko sumarioan Segiko kide izatea leporatuta auzipetutako gazteak atxilotzen hasi da berriz Espainiako Polizia, Urkulluren poliziarekin batera. Ertzaintza beharrezko gaizkidea da berriz ere Euskal Herriko gazteriaren aurka. 28en kontrako auzia gogorki salatu genuen bere garaian, baita beste hogeiri egin zioten sarekada, atxiloketa bortitzari eta jasan zituzten torturei. Euskal gazteria berriz mehatxupean jarri dute Espainiako instituzioek. Nahiz eta duela 5 hilabete Fiskaliak 12 gazteri akusazioa baztertu, gaurko egunean prozesuan jarraitzen duten 16tik 3 atxilotzeak ez dakar ezer onik. Bakea, konponbidea eta giza eskubideen alde gaudelako, atxilotuak askatzea eskatzen dugu behin betikoz. Hau guztia dela eta, sasiauzia bertan behera uztea exijitzen dugu. Ez ditugu gazte gehiago espetxeetan nahi, ezta gazte gehiago euren ekintza politikoengatik atxilotuak izatea ere. Politika egiteagatik 6 urtez espetxeratzeak ez da inolako konponbidearen seinale. Gure elkartasun zintzoena eskeintzen diegu eta datozen mobilizazioetara gazteria eta euskal gizartea atxikitzea animatzen dugu. Beraz, gazteei jazarpenik ez, elkartasuna irizpide, batu gaitezen sasijustiziaren aurka beste behin...

Read More

Etxerateko Batzarrean, gure alkartasuna adieraziz

3 maiatza, 2015 Denetarik

Maiatzaren 3an, Gazte Abertzaleakeko kideok Etxeratek Iruñan ospatutako XIV. Batzar Orokorrean egon gara. Bertan, beste erakunde anitzekin batera, honako manifestua sinatu dugu: Etxerat giza eskubideen aldeko lanean aritzen den errepresaliatuen senideen elkartea da eta euren senide izaera aukeratu ez duten askotariko pertsonez osatua dago. Euren senideek espetxean zein deserrian bizi behar izaten dituzten urraketen berri ematen du, baita kanpoan dauden senideek beraiek pairatu behar dituzten urraketen berri ere, eta hauek bukatzearen alde lanean aritzen da, horren alde dauden beste eragile batzuekin batera. Ezinbesteko informazio eta salaketa da honakoa, baita urraketa horien dokumentazioan egiten den lana ere. Errepresaliatu zein hain senideen eskubideen alde lan hau egitea ez da delitua, erabat beharrezkoa den lana baizik, beraz onartezina da haien kontrako edozein eraso. Senideek bidegabeko egoera asko bizi behar izaten dituzte, egoera zail eta gogor asko, instituzio publikoetatik orokorrean inongo laguntzarik eskaintzen ez zaielarik, ezta aitortzarik ere. Elkartean beharrezkoa duten informazioa, laguntza, parte-hartzea eta elkartasuna topatzen dute; egoera horiei aurre egiteko ezinbesteko osagaiak izanik askorentzat. Sistematikoki eta modu orokorrean aplikatutako dispertsioa, eskubide urraketen markoa da. Honek zigor gehitu bat eragiten die preso zein senide hauei, erabat bidegabea den sufrimendua soilik eragiten duelarik. Sufrimendu horrekin amaitu dadin, urgentziaz, dispertsio politikarekin amaitu behar da eta horretarako ezinbestekoa da jendartea osatzen dugun norbanako, eragile, instituzio eta elkarte guztien inplikazioa. Urraketa horiekin guztiekin amaitzeko bide horretan, gure elkartasuna, konpromisoa eta babesa adierazi nahi diogu sinatzaileok ETXERAT elkarteari eta berau osatzen duten senide guztiei. Gurekin kontatu dispertsioarekin behingoz bukatzeko eta guztien eskubideen errespetua...

Read More

Gure etorkizunaren jabe, gazteok kalera!

30 Api, 2015 Denetarik

Maiatzak 1a, langileen eskubideen aldeko borroka eguna izan arren, utopiaren eguna da aurten ere, tamalez. Baina nola aldarrikatu al ditzakegu langileen eskubideak, hauek geroz eta mehar eta inexistenteak baldin badira? Meharrak, eskubide horiek merkatu santuaren izenean zanpatzen dituztelako, Neoliberalismo basatiak merketzen dituelako, eta Merkelek, Rajoyek eta Hollandek merketzen dituztelako. Inexistenteak, lan egiteko prest dagoen gazteriak ezin duelako lanik egin. Gazteok inoiz baino prestatuago egon arren, inoiz baino aukera gutxiago ematen dizkigutelako gu geu garatzeko edota gizarteari ekarpenak egiteko. 2 gaztetik batek gutxienez ez du lanik egiteko aukerarik! Zer nolako askatasuna izango du bat horrek? Eta lanean dagoen “zorioneko” horrek zer nolako baldintzak jasan behar ditu? Lan baldintza prekarioak, besterik ez. Merkealdi honek ez du pagotxatik ezer. Izan ere gazteriaren etorkizunean ezin da beherapenik egin. Gazteriak inbertsio handia eskatzen dio gizarteari bai, baina badirudi batzuk ez direla ohartu nahi  etorkizunean inbertitzea ez dela gastua, aberastasuna ekarriko duen aukera segurua baizik. Gizarte sektore honen erdia kalean gaude, kale gorrian. Lan egiteko gogoa, indarra eta trebezia alperrik galtzen. Ezin independizatu gabiltza, alokairua ordaintzeko dirurik ez dugulako. Ezin ikasten jarraitu gradu-ondoko edo masterrak dituzten zeroek azterketetan atera ditzaketenak baino 1.000 aldiz gehiago balio badute. Zifren dantza ankerra. Izen asko jartzen zaizkio belaunaldi honi, baina denak dira egoera beraren iturritik atereak: Langabeziaren, prekarietatearen, eskubide gabeziaren egarriak itotzen gaituen iturria hain zuzen. Herri bat gobernatzeko, etxean egiten dugun kudeaketa izan beharko genuke eredu. Dirurik sartzen ez denean, txanpon txikiak zertara zuzentzen diren ongi pentsatu behar dugu. Ongi egiten dutenei erraztasunak eta bultzadak eman ordez, marginatuta eta botata uzten ditu gobernu honek ostera. Instituzioen ardura pertsona eta gizartearen garapen eta ongizatea da. Burujabe izan behar gara gure eskubideak bermatzeko. Horretarako, ezinbestekoa dugu elkarrekin borrokatzea, oraingo sistemak ezartzen gaituen miserietatik atera ahal izateko eta sistema justuago bat eraikitzeko. Gazteria kalera irtetea, egoera zentzugabe hau salatzeko, guztion ardura da. Beraz, etxean nahi gaituztenoi, otzan, ixil, eta esperoan, kaleak hartuko ditugula jakinarazten diegu, ausart, ozen, eta gure etorkizunaren jabe eginez!...

Read More

Bizirik gaudelako!

26 Api, 2015 Denetarik

78 urte pasatu dira Alemaniako naziek eta Espainiako frankistek Gernika bonbardatu zutenetik, 78 urte faxistek Errepublika, Euskal Gobernua eta gure herriaren autonomia gerra bidez usurpatu eta 40 urteko diktadura ezarri zutenetik. Hildakoak, zaurituak, etxe suntsiketak, sua… Gernika ia-ia bere osotasunean desagertarazi egin zuten. Ez zen kasualitatea izan Gernika aukeratzea, izan ere bertan baitzegoen (eta mantentzen da) euskal herritarrentzat, garai hartan, garrantzitsua zen askatasunaren arbola, Gernikako Arbola. Isilarazi, makurtuarazi eta menperatu nahi gintuzten, baina Gernikarrek eta Euskal herritarrek orokorrean, Euskal Gudarostearen bitartez bizirik mantentzeko ahaleginak egin zituzten. Euskal Herriaren alde borrokatu zuten, faxismoari aurre egin zioten eta gaur egun ere defendatzen duguna babestu zuten: Euskal nortasuna eta izatea. Eta modu batean edota bestean, garai hartako Eusko Gudariei esker, gaur ere ozenki esan dezakegu euskal nortasuna eta izatea inoiz baino biziago dagoela, euskal errepublika inoiz baino gertuago dagoela eta faxismorik ez dugula nahi! Gerra Zibilak eta 40 urteko diktadurak ondorio latzak ekarri zizkigun, gure izatea desagertu nahi izan baitzuten. Ez zuten lortu, denbora guzti honetan zehar euskaldunak garela, herri bat garela eta herri honek bere etorkizuna modu demokratiko eta libre batean aukeratzeko eskubidea duela erakutsi izan dugulako. Gaur egun ere, isilarazi, makurtuarazi eta menperatu nahi gintuzten arren, faxismoari aurre egitea besterik ez zaigu geratzen. Herri gisa, ezetza esatea ezarri nahi dizkiguten inposizioei, murrizketei, ukazioei eta ozen adierazteko orain 78 urte bezala, Euskal herritarrak garela, herri bat garela, gure etorkizuna aukeratuko dugula eta herri honek euskal errepublika behar eta nahi duela! Jose Labauria Gernikako alkateak 1937ko maiatzaren 4an, bonbardaketa ondoren, Euskadi irratian eskainitako mintzaldian esan zuen bezala “”Gernikak, Euskal askatasunaren sinboloak -nazioarteko faxismoaren basakeriaren sinboloa ere bai aurrerantzean-, bizirik dirau, Euskal Herriak bizirik dirauelako!”. Aurrera...

Read More

Nafarroaren Eguna, euskaldunon jomuga!

25 Api, 2015 Denetarik

Nafarroaren Eguna ospatuko da aurten ere Baigorrin. 1979 urtean sortu zen ospakizun historiko-kultural hau urtez urte pirineoetako bi aldeetako nafarrak batu ditu bertan. 37 urtez herritar guztion eta bereziki euskaldunon bihotzak musikaz, dantzaz eta ekitaldi anitz aberatsez alaitzen. Euskal Herrian aldaketa somatzen da. Bai Baxenabarren eta baita Nafarroa Garaian euskal kultura eta bizimodua berpizten ari da. Euskarak arnasa behar badu, biharko egunean eman diezaiogun elkar behar duen airea. Nafarroak aldaketa behar du eta euskaldun guztion artean eman diezaiokegu taupadaz taupaza, pausoz pauso eta urratsez urrats behar duen diztira. Haize berriak datoz, euskaldunon garaia...

Read More

Europan ere erabakitzeko eskubidea aldarrikatzen elkartasunetik

23 Api, 2015 Denetarik

Gazte Abertzaleak taldeko ordezkaritza bat Bautzen herrian izan da, sorabiar nazioan, Gazteen Aliantza Libre Europarrak (EFAy, ingelerazko elez) ospatu duen Goi Bileran. Sorabiarrak nazio gisa antolatzen eta borrokatzen laguntzera joan gara bertara. Izan ere herri gisa existitzen mendeak daramaten arren, oraindik beraien hizkuntza eskubideen edota eskubide sozialetan ezin izan dute aurrera egin. Germaniar estatuak bertako mehatzeak ustiatzen eta bertako lurrak guztiz kutsatzen eta antzutzen dituzten bitartean, herri gisa ez dio inongo aitorpenik egiten. EFAy-ko bileran, Gazte Abertzaleakeko ordezkaritzarekin batera, beste 16 estatugabeko nazioetako gazte erakunde politikoak izan dira bertan. Besteak beste, sorbiarren nortasuna eta autonomia politikoa garatu nahi duten gazte talde bat biltzea lortu dugu, hurrengo urtean, EFAyko kide egingo dena. Bi gaiek izan dute garrantzi berezia asanblea honetan: Batetik estatuak nazioak desitxuratu eta pobretzeko nahien aurrean, guk defendatzen dugun autonomia edo burujabetza politiko, ekonomiko eta soziala eztabaidatu da. Adibide gisa frantziar gobernuak aurrera eraman duen zentralizazio administratiboaren kanpaina. Departamenduak guztiz era artifizialean eraldatu dituenak nazioak errespetatu gabe, eta are gutxiago departamendu bereizi bat eman barik (hori izan da aho batez onartu dugun mozioetako baten muina). Beste adibide bat Galesen dugu, non Britania Handiak “devolution tax” delakoaren bidez eskumen gehiago emango zizkien Gales eta Eskoziako parlamentuei, baina oraindik orain ez dute inongo erantzunik jaso. Bestetik ingurumena eta TTIParen aurkako adierazpena onartu dugu: Frackingaren mamuari aurre egiteko, lizentziak bertan behera lagatzea eskatu diogu espainiar gobernuari. Bestalde, TTIPa guztiz eta erabat arbuiatzen duen Adierazpena onartu dugu: ez delako deontologikoa, demokratikoa, justo edo ekitatiboa, herritarren bizkarrera egin delako, gutxi batzuren onuara eta asko batzuren zama izateko diseinatutako akordioa delako, etab. Euskal Herriaren egoera politikoaren berri ere eman genuen gure kide europarren aurrean: Bake prozesuaren “stand-by”eko jarrera espaianiar eta frantziar estatuena, eta horren aurrean Bake Bideatik ekainaren 11an Parisen antolatuko den ekitaldia, udal eta foru hauteskundeek duten garrantzia, politika berriak, ezkerrekoak eta subirautzara bideratutakoak egiten jarraitzeko, edo Fronte Zabalaren nondik norakoak izan ziren azaldu genituen gaietako batzuk. Denboran ere salto bat eman genuen, eta gure herrietan, hemendik 20 urtetara jarri ginen pentsatzen. Nolako herri edo aberriak ginakeen, zer nolako politikak garatzen ziren, zein egoera linguistikotan bizi ginen… Iparra are argiago erakutsi zigun ariketa/hitzaldia izan zen. Guk Euskal errepublika askea ikusi genuen, 7 probintziez osatua, euskara izanik oinarriko kultura eta hizkuntza, baina aniztasunak ekarritako...

Read More